Pawan Kalyan : జ‌న‌సేనాని పవన్ కళ్యాణ్ గ‌త కొద్ది రోజులుగా రాజ‌కీయాల‌తో బిజీగా ఉన్నారు. వారాహి యాత్ర‌లో భాగంగా పవన్ కళ్యాణ్ ప‌లు ప్రాంతాల‌కి వెళుతూ అక్క‌డి ప‌రిస్థితుల గురించి మాట్లాడుతూ వైసీపీకి వార్నింగ్‌లు ఇస్తున్నారు. గాజ‌వాక స‌భ‌లో పవన్ కళ్యాణ్ మాట్లాడుతూ.. 2024 ఎన్నికల్లో జనసేన జెండా గాజువాకలో ఎగురుతుందని పవన్ స్పష్టం చేసారు. దారిపొడుగునా ఒకటే నినాదం… విశాఖ ఉక్కు.. ఆంధ్రుల హక్కు.. వైజాగ్ స్టీల్ ప్లాంట్ ఏపీకి చాలా కీలకం. పోరాటాల ద్వారా వచ్చింది.30 మందికి పైగా కాల్పుల్లో చనిపోయారు. మనం కులాల వారీగా, ప్రాంతాల వారీగా విడిపోయాము. రెండు తరాలు దాటినా మన గుండెల్లో స్టీల్ ప్లాంట్ కొట్టుకుంటూ ఉంటుంది అని అన్నారు.
భూములిచ్చిన వారిలో ఇంకా సగం మందికి పరిహారం రాలేదు. వారు ఆకలితో దేవాలయాల్లో ప్రసాదాలు తింటూ గడుపుతున్ప పరిస్దితి. స్టీల్ ప్లాంట్ ప్రైవేటీకరణ గురించి జగన్ ఒక్కమాట మాట్టాడలేదు. వైజాగ్ ఎంపీ సత్యనారాయణ ఒక రౌడీషీటర్. ఇటువంటి వాడికి ప్రధాని వద్దకు వెళ్లి స్టీల్ ప్లాంట్ గురించి మాట్లాడే దైర్యం ఉంది. ప్రధాని మోదీ, అమిత్ షాలతో ప్రత్యేక హోదా గురించి విబేధించాను. అమిత్ షా తో స్టీల్ ప్లాంట్ బావోద్వేగాలకు సంబంధించినదని చెప్పాను. ఎనిమిదివేల కోట్ల నష్టం ఉంది. కాని మీరు సొంత గనులు కేటాయించాలి.. దీని మీద దృష్టి సారించాలని కోరాను.
కేసులున్నోడికి, మర్దర్లు చేసినోడికి, లూటీలు చేసినోడికి ప్రధానితో మాట్లాడే దైర్యం ఎలా వస్తుంది? జగన్ వెళ్లి కాళ్లమీద పడితే పదివేల కోట్లు ఇస్తున్నారు. అదే విధంగా ఎంపీలందరూ వెళ్లి మాట్లాడితే ఎందుకు చేయరు ? ఏపీ ఎంపీలంటే చాలా చులకన భావం ఉంది. డీసీఐ ప్రైవేటీకరణ గురించి నేను మాట్లాడితే ఆపామని కేంద్ర నాయకులు చెప్పారు. ఒక రౌడీని ఎంపీగా ఎన్నుకున్నారు. వైఎస్ విగ్రహాలను చూసినపుడు గంగవరం మత్స్యకారుని చంపినదే నాకు గుర్తుకు వస్తోంది. గంగవరంలో ప్రభుత్వ పెట్టుబడిని జగన్ అమ్మేసాడు. ఉపాధి, ఉద్యోగ అవకాశాలు లేవు.. జాబ్ క్యాలెండర్లు లేవు. మత్స్యకారుల బలిదానాల మీద నీవు పోర్టు కట్టావు.
గంగవరం పోర్టుకు న్యాయం చేయలేనివాడివి విశాఖను రాజధాని చేసి ఏం చేస్తావు? గంగవరం పోర్టు ఉద్యోగులకు జీతాలు కూడా ఇవ్వకపోతే ఎలా? నేను చాలా మొండివాడిని.. నన్నేమీ భయపెట్టలేరు. పోలవరం పూర్తి చేయలేరు.. సుజల స్రవంతిని తీసుకు రారు. రెండున్నర లక్షలమంది వాలంటీర్లకు హెడ్ ఎవరు? ఈ డేటా ఎక్కడికి వెడుతోంది? వీటికి జవాబు చెప్పరు. మీరు గనుక నాకు మూడు సంవత్సరాలు టైమ్ ఇస్తే అండగా నిలిస్తే ఇక్కడ ఐటీని అద్బుతంగా డెవలప్ చేస్తాను.. కొండమీద దేవుడు ఉండాలి.. క్రిమినల్ ఉండకూడదని పవన్ కళ్యాణ్ జ‌గ‌న్‌తో పాటు పలువురు వైసీపీ నాయ‌కులని ఉద్దేశిస్తూ తీవ్ర‌మైన వ్యాఖ్య‌లు చేశారు.
