Pawan Kalyan : కూట‌మి గెలుపు ఖాయం.. అధికారం మ‌న‌దే.. ఎగ్జిట్ పోల్స్‌పై ప‌వ‌న్ స్పంద‌న‌..

Pawan Kalyan : ఆంధ్రప్రదేశ్ ఎన్నికల ఎగ్జిట్ ఫలితాలు గందరగోళంగా ఉన్నాయి. కొన్ని ఎగ్జిట్ పోల్స్‌.. అధికార వైసీపీకి పట్టం కట్టగా.. మరికొన్ని ఎగ్జిట్ పోల్స్ మాత్రం.. టీడీపీ – జనసేన – బీజేపీ కూటమికి జై కొట్ట‌డం మ‌నం చూస్తూనే ఉన్నాం. కొన్ని ఎగ్జిట్ పోల్స్ మాత్రం.. జనసేనకు బ్రహ్మరథం పట్టాయి. ఏకంగా 14 నుంచి 20 స్థానాలు గెలుస్తాయని అంచనా వేశాయి. ఈ నేపథ్యంలోనే తాజాగా విడుదలైన ఎగ్జిట్ పోల్స్‌లో జనసేనకు అత్యధిక స్థానాలు కట్టబెట్టిన ఎగ్జిట్ పోల్ సంస్థలు ఏవి. వాటిలో జనసేన ఎన్ని సీట్లు గెలుస్తుందని అంచనా వేసాయి అనేది ప్రస్తుతం తీవ్ర చర్చనీయాంశంగా మారింది. శాసనసభలో మొత్తం ఓటర్లు 2.35 లక్షలున్నారు. అక్కడ 86.63 శాతం పోలింగ్ నమోదు అయింది.

ఇక్కడ పవన్ కళ్యాణ్ కు ప్రత్యర్ధిగా వంగా గీత వైపీసీ తరుపున పోటీ చేసింది. అక్కడ వంగా గీతపై పవన్ కళ్యాణ్ దాదాపు 60 వేలకు పైగా మెజారిటీతో గెలవబోతున్నట్టు పీపుల్స్ పల్స్ సంస్థ సర్వేతో పాటు పలు మెజారిటీ సర్వేలు చెబుతున్నాయి. ఈ నియోజకవర్గంలోని కాపు సామాజికవర్గం ఓట్లు 71 వేలు ఉన్నాయి. అందులో 69 వేల ఓటర్లు పవన్ కళ్యాణ్ కే ఓటు వేసినట్టు తెలిపింది. ఇతర సామాజిక ఓట్లు కూడా పవన్ కళ్యాణ్ కే జై కొట్టినట్టు వివరించింది.ఆంధ్ర ప్రదేశ్ ఎన్నికల్లో పవన్ కళ్యాణ్‌కు చెందిన జనసేన పార్టీ.. కేంద్రంలో అధికారంలో ఉన్న భారతీయ జనతా పార్టీతో పాటు తెలుగు దేశం పార్టీతో కూటమిగా ఏర్పడి బరిలో దిగింది. ఈ సారి జనసేన పార్టీ 2 లోక్ సభ సీట్లతో పాటు 20 పైగా సీట్లలో బరిలో దిగింది. ఈ సారి జరిగిన ఎన్నికల్లో దాదాపు 10 పైగా సీట్లలో విజయం సాధించడం ఖాయం అని చెబుతున్నాయి.

వైసీపీ వ్యతిరేఖ ఓటు చీల‌నివ్వ‌న‌ని ముందు నుండి చెబుతూ వ‌చ్చాను. ఆ విధంగానే క‌ష్ట‌ప‌డ్డాను. కేంద్ర ప్ర‌భుత్వం స‌హాయ స‌హ‌కారాలు లేకుండా ముందుకు వెళ్ల‌డం క‌ష్టం. ఆరు అంశాల మీద మ‌నం ముందుకు వెళుతున్నాం.విద్య‌, వైద్యం, ఉపాధి, సాగునీరు, తాగునీరు, లా అండ్ ఆర్డ‌ర్. వీటి విష‌యంలో ప‌క్కాగా అమ‌లు అయ్యేలా చేస్తాం. జ‌ల దోపిడి అయింది. వాట‌న్నింటిని అరిక‌డ‌తాం. అన్ని చోట్ల కూడా కూట‌మికి సంబంధించి ఒక‌రికొక‌రం సంపూర్ణ మ‌ద్దతు ఇవ్వ‌డం వ‌ల‌న వైసీపీ ఓటు చీల‌నివ్వ‌కుండా చేసామ‌ని ప‌వ‌న్ అన్నారు. స‌మిష్టిగా కూట‌మి గెలుపు ఖాయ‌మైంది అని ప‌వ‌న్ చెప్పుకొచ్చారు. మోదీగారి ఆశీస్సులు మ‌న రాష్ట్రానికి కావాలని చెప్పారు. ఎంజీఆర్ మాట‌లు నాకు బాగా ఎక్కాయి. కేంద్ర ప్ర‌భుత్వం స‌హ‌య‌స‌హ‌కారాలు రాష్ట్రానికి కావాల‌ని కూడా చెప్పారు.