Pawan Kalyan : స్కిల్ డెవలప్‌మెంట్ కేసులో అరెస్టై దాదాపు 50 రోజులకు పైగా రాజమహేంద్రవరం సెంట్రల్ జైలులో ఉన్న తెలుగు దేశం జాతీయ అధ్యక్షుడు చంద్రబాబు నాయుడు.. ఈ నెల 30న బెయిల్ 4 వారాల పాటు ఇంటర్మ్ బెయిల్ పై బ‌య‌ట‌కు వ‌చ్చిన విష‌యం తెలిసిందే. కంటి ఆపరేషన్ నిమిత్తం ఆయనకు బెయిల్ లభించింది. బెయిల్ తర్వాత ప్రత్యేక విమానంలో హైదారాబాద్‌ చేరుకున్నారు. అక్కడ నుంచి తన జూబ్లీహిల్స్‌లోని తన నివాసానికి వెళ్లారు. ఆ తర్వాత హైదరాబాద్‌లోని ఓ ప్రైవేటు హాస్పిటల్లో చేరారు. ఆసుప‌త్రిలో చికిత్స చేయించుకొని తన ఇంటికి వచ్చారు. అయితే జనసేనాని ప‌వ‌న కళ్యాణ్ తన ఇట‌లీ టూర్ పూర్తి చేసుకొని నిన్న హైద‌రాబాద్‌కి వ‌చ్చిన విష‌యం తెలిసిందే.
నేడు టీడీపీ అధినేత చంద్రబాబును జనసేన అధినేత పవన్‌కల్యాణ్ పరామర్శించారు. జూబ్లీహిల్స్‌లో చంద్రబాబు నివాసానికి వెళ్లి జనసేనాని పరామర్శించారు. పవన్ వెంట నాదెండ్ల మనోహర్ కూడా ఉన్నారు. ఈ సందర్భంగా చంద్రబాబు ఆరోగ్యంపై పవన్ వివరాలు అడిగి తెలుసుకున్నారు. ఇటీవలే హైదరాబాద్ ఏఐజీ ఆస్పత్రిలో చంద్రబాబుకు వైద్య పరీక్షలు నిర్వహించారు. శనివారం ఉదయం చంద్రబాబు ఎల్వీ ప్రసాద్ కంటి ఆస్పత్రికి వెళ్లి వైద్యులను కలిసి వచ్చారు. చంద్రబాబు జైలు నుంచి వచ్చాక ఆయన అనారోగ్యం నేపథ్యంలో ఆయన్ను పరామర్శించెందుకే పవన్ వచ్చారని పార్టీ వర్గాలు అంటున్నాయి.
తెలుగుదేశం పార్టీ జాతీయ అధ్యక్షులు నారా చంద్రబాబు నాయుడు తో చాలా రోజుల తరువాత పవన్ భేటీ అవ్వడం తో రాజకీయ ప్రాధాన్యత సంతరించుకుంది. మరోవైపు తెలంగాణలో పోటీకి దూరంగా ఉండాలనే కీలక నిర్ణయం తీసుకుంది టీడీపీ. అదే సమయంలో బీజేపీతో కలిసి తెలంగాణ ఎన్నికల్లో జనసేన పోటీకి దిగుతోంది. ఈ నేపథ్యంలో ఈ రెండు పార్టీలకు చెందిన నేతలు భేటి కావడం రెండు ఉభయ రాష్ట్రాల్లో ప్రాధాన్యత సంతరించుకుంది. న‌వంబ‌ర్ 5న వ‌రుణ్ తేజ్- లావ‌ణ్య‌ల రిసెప్షన్ ఉండ‌నుండగా,ఆ కార్య‌క్ర‌మానికి చంద్ర‌బాబుని పవన్ ఆహ్వానించిన‌ట్టు స‌మాచారం.
