Pawan Kalyan Hoody : ప‌వ‌ర్ స్టార్ పవన్ కళ్యాణ్ ప్రస్తుతం సినిమాల‌తో పాటు రాజ‌కీయాల‌తోను ఫుల్ బిజీగా ఉన్న విష‌యం తెలిసిందే. అయితే ఎవ‌రు ఊహించ‌ని విధంగా ఆహా టాక్ షో అన్‌స్టాపబుల్‌లో మెరిసి అంద‌రిని స‌ర్‌ప్రైజ్ చేశారు. ఈ టాక్ షోలో పవన్ కళ్యాణ్ ఆస‌క్తిక‌ర విష‌యాలు బాల‌య్య‌తో షేర్ చేసుకున్న‌ట్టు టాక్. ఇక ఈ ఎపిసోడ్ షూటింగ్ సమయంలోనూ బాలయ్య ఓ ఇద్దరికి కాల్ కలిపాడట. రామ్ చరణ్, త్రివిక్రమ్‌కి ఫోన్ చేసినట్లు తాజా స‌మాచారం.. అలానే మూడు పెళ్లిళ్ల గురించి పవన్ కళ్యాణ్‌పై వస్తున్న విమర్శల గురించి కూడా ఇద్దరూ చర్చించినట్లు ఆ షోకి హాజరైన అభిమానులు చెప్పుకొచ్చారు.
ఇక ఇటీవ‌ల కాలంలో ఎప్పుడు తెల్ల దుస్తుల‌లో మెరుస్తున్న పవన్ ఇంటర్వ్యూకి మాత్రం ఖుషీ సినిమా స్టైల్లో బ్లాక్ హుడీ వేసుకుని వచ్చారు. క్లీన్ షేవ్ లో ఆ బ్లాక్ హుడీ ధ‌రించి రాగా, పవన్ అభిమానులు ఆ హుడీ గురించి వెతుకాలట ప్రారంభించారు. ఆ హుడీ ధర ఎంత? అని సెర్చ్ చేస్తున్నారు. అయితే ఆ హుడీ హ్యూగో బాస్ కంపెనీకి చెందింది. దీని ధర విదేశాల్లో అయితే 245 డాలర్లుగా ఉంది. ఇది మన భారతీయ మార్కెట్ లో రూ.20 వేల నుంచి రూ.27 వేల వరకు ఉంది. పవన్ ధ‌రించిన ఈ బ్లాక్ హుడీ కోసం అభిమానుల తెగ సెర్చ్ చేస్తున్నారు. బ్లాక్ హుడీ కొనుగోలు చేసేందుకు ఇప్పటికే ఇ-కామర్స్ సైట్స్ లో బుకింగ్స్ కూడా స్టార్ట్ చేశారు.
ప‌వ‌ర్ స్టార్ పవన్ ప్రస్తుతం వీరమల్లు షూటింగ్‌లో పాల్గోంటున్నారు. ఈ సినిమా షూటింగ్ శరవేగంగా జరుగుతోంది. ఈ సినిమా తర్వాత పవన్ ఉస్తాద్ భగత్ సింగ్‌తో పాటు వినోదయ సీతం అనే మరో తమిళ సినిమా రీమేక్‌ను చేయబోతున్నట్లు తెలుస్తోంది. ఈ వినోదయ సీతం జనవరిలో షూట్ షురూ కానుందని టాక్.. ఇక ఇప్పటికే ఉస్తాద్ భగత్ సింగ్ అనే సినిమా ఓ రెండు రోజుల పాటు షూట్ కూడా చేసిన సంగతి తెలిసిందే.. ఈ సినిమాకు హరీష్ శంకర్ దర్శకుడు. దీంతో 2023లో రెండు పవన్ కళ్యాణ్ సినిమాలు వ‌రుస‌గా విడుదలకానున్నాయని తెలుస్తోంది.
