Nani : ఎటువంటి బ్యాక్గ్రౌండ్ లేకుండా ఇండస్ట్రీలోకి వచ్చిన నాని మంచి విజయాలతో దూసుకుపోతూ స్టార్ హీరోలలో ఒకరిగా ఉన్నారు. ఒకవైపు హీరోగా, మరోవైపు నిర్మాతగా కూడా నాని సత్తా చాటుతున్నాడు. 2023 నానికి ఎక్స్ ట్రా స్పెషల్ ఇయర్ కానుంది. అందుకు కారణం ఈ ఏడాది ప్రారంభంలోనే హిట్ 2 సినిమాతో నిర్మాతగా మంచి సక్సెస్ అందుకున్నాడు. అంతేకాకుండా నాని నటిస్తోన్న మోస్ట్ ఎవెయిటెడ్ ప్రాజెక్ట్ దసరా మార్చి 30న థియేటర్లలో విడుదల కానుంది. ఇప్పటికే విడుదలైన టీజర్తోపాటు సాంగ్స్ సినిమాపై అంచనాలు భారీగా పెంచాయి.. ఈ సినిమా నాని కెరీర్లోనే మొదటి అతిపెద్ద పాన్ ఇండియా సినిమా కానుంది.
హిట్, ఫ్లాప్స్ అనే తేడా లేకుండా దూసుకుపోతున్న నాని తను చేసే చిత్రాలకు క్లాసిక్ టైటిల్స్ పెట్టుకుంటూ పోతున్నాడు. జెంటిల్మేన్`, `మజ్ను`, `కృష్ణార్జున యుద్ధం`, `దేవదాస్`, `గ్యాంగ్ లీడర్` సినిమాల్లో `జెంటిల్మేన్`, `మజ్ను` ఇలా తన కెరీర్లో ఎన్నో వైవిధ్యమైన చిత్రాలు చేశాడు. అయితే నాని ఆ క్లాసిక్స్ టైటిల్స్ ని చెడగొట్టిన దాఖలాలే ఎక్కువ ఉన్నాయి. ఇప్పుడు పవన్ కళ్యాణ్ సూపర్ హిట్ మూవీ టైటిల్ తో ఓ సినిమా చేయాలని అనుకుంటున్నారట. శౌర్య దర్శకత్వంలో `నాని30` చిత్రంలో నటిస్తున్నారు. ఇందులో మృణాల్ ఠాకూర్ కథానాయిక. దీంతోపాటు శైలేష్ కొలనుతో `హిట్ 3` సినిమా చేస్తున్నారు. అలాగే `మిడిల్ క్లాస్ అబ్బాయి`(ఎంసీఏ) డైరెక్టర్ శ్రీరామ్ వేణుతో ఓ సినిమా చేయనుండగా, ఈ సినిమాకి పవన్ కళ్యాణ్ క్లాసిక్ టైటిల్ని అనుకుంటున్నారట.
`తమ్ముడు` అనే టైటిల్ అయితే చిత్రానికి బాగుంటుందని మేకర్స్ భావిస్తున్నారట. ఈ వార్త తెలిసి ఇప్పుడు పవన్ ఫ్యాన్స్ ఫైర్ అవుతున్నారని సమాచారం. నానికి మెగా ఫ్యామిలీ టైటిల్స్ తప్ప వేరే హీరో టైటిల్స్ దొరకట్లేదా అంటూ ప్రశ్నిస్తున్నారట. ఇప్పటికే `గ్యాంగ్ లీడర్` టైటిల్ పెట్టి దాన్ని చెడగొట్టారు. ఇప్పుడు తమ్ముడు పేరుతో ఎందుకు సినిమా చేయాలనుకుంటున్నారు అని మండిపడుతున్నారట. మరి దీనిపై నాని ఏమైన స్పందిస్తాడా అనేది చూడాల్సి ఉంది. ఇక ఇదిలా ఉంటే నాని నటించిన తొలి పాన్ ఇండియా మూవీ దసరా కాగా, ఇది శ్రీకాంత్ ఓడెల అనే నూతన దర్శకుడు రూపొందించారు. కీర్తిసురేష్ కథానాయికగా నటించింది. తెలంగాణ సింగరేణి బ్యాక్ డ్రాప్లో ఊరమాస్ కథాంశంతో ఈ చిత్రం రూపొందుతుంది.
