Pawan Kalyan Bike Price : పవర్ స్టార్ పవన్ కళ్యాణ్ ప్రస్తుతం సినిమాలు, రాజ‌కీయాల‌తో బిజీగా ఉన్నారు. సినిమాల విష‌యానికి వ‌స్తే పవన్ కేవలం నటనకే పరిమితం కాకుండా ఇతర క్రాఫ్ట్స్‌లోనూ తనదైన ముద్ర వేశారు. స్క్రిప్ట్‌ రైటింగ్ మొదలు స్టంట్‌ కొరియోగ్రఫీ, సాంగ్‌ కొరియోగ్రఫీ, దర్శకత్వం చివరికి సింగర్‌గా కూడా తన ట్యాలెంట్‌ను చూపించి అల‌రించారు. పలు సినిమాలకు స్క్రీన్‌ప్లే, కథ అందించిన పవన్ కళ్యాణ్ భ‌వ‌దీయుడు భ‌గ‌త్ సింగ్ చిత్రానికి కూడా ఇవ్వ‌నున్నాడ‌ని ప్ర‌చారం జరిగింది. అయితే ప్రస్తుతం పవన్ కళ్యాణ్ హరిహర వీరమల్లు అనే చిత్ర షూటింగ్‌తో బిజీగా ఉన్నారు.
రామోజీ ఫిల్మ్ సిటీలో ఈ సినిమా షూటింగ్ జరుపుకుంటోంది. ఇక ఈ సినిమా షూటింగ్ లో పాల్గొంటున్న పవన్ లోకేషన్ లో ఖరీదైన బైక్ పై రైడ్ చేయ‌గా, ఈ బైక్ ధర ఇప్పుడు నెట్టింట చ‌ర్చ‌నీయాంశంగా మారింది. హరిహర వీరమల్లు గెటప్ లో బైక్ రైడ్ చేసి అభిమానులను అబ్బురపరిచారు. పవన్ పవన్ నడిపిన ఈ బైక్ ప్రముఖ సంస్థ BMW కంపెనీ కు చెందినది. BMW R1250 GS మోడల్ కు చెందిన ఈ బైక్ ధర అక్షరాలా రూ. 24 లక్షలు. ప్రస్తుతం ఈ బైక్ పై పవన్ రైడ్ చేస్తున్న వీడియో నెట్టింట వైరల్ గా మారింది. ఇక హరిహర వీరమల్లు సినిమా షూటింగ్ పవన్ కళ్యాణ్ రాజకీయాల్లో బిజీగా ఉండటం కారణంగా కొంత ఆల‌స్యం అవుతుంది.
‘హరిహర వీరమల్లు’ చిత్రం స్టార్ డైరెక్టర్ క్రిష్ దర్శకత్వంలో ఈ చిత్రం తెరకెక్కుతుంది. ప్రస్తుతం రామోజీ ఫిల్మ్ సిటీలో శరవేగంగా షూటింగ్ జరుపుకుంటోంది ఈ చిత్రం. తాజా ఈ చిత్ర షూటింగ్ లో పాల్గొన్నారు పవర్ స్టార్. ‘హరిహర వీరమల్లు’ చారిత్రాత్మక ప్రాముఖ్యత కలిగిన చిత్రంగా ప్రేక్షకుల ముందుకు రానుంది. ప్రస్తుతం రామోజీ ఫిల్మ్ సిటీలో వేసిన భారీ సెట్‌లో ‘హరి హర వీరమల్లు’ చిత్రీకరణ శరవేగంగా సాగుతోంది. 900 మంది నటీనటులు, సిబ్బంది చిత్రీకరణలో పాల్గొన్నారు. నిధి అగర్వాల్ ఇందులో క‌థానాయిక‌గా నటిస్తోంది. సంగీత దర్శకుడు ఎంఎం కీరవాణీ మ్యూజిక్ అందిస్తున్నారు. వచ్చే ఏడాది మార్చిలో ఈ చిత్రాన్ని ప్రేక్షకుల ముందుకు తెచ్చే ఆలోచ‌న చేస్తున్నారు.
