Pawan Kalyan And Ram Charan : నవంబ‌ర్ ఒకటో తేదీన వరుణ్ తేజ్ – లావణ్య త్రిపాఠిల పెళ్లి ఇటలీలో ఘనంగా జరిగింది. అతి తక్కువ మంది సన్నిహితులు, కుటుంబ సభ్యుల మధ్యన జరిగిన ఈ పెళ్లికి సంబంధించిన ప్రతీ విషయం వార్తగా మారింది. పెళ్లికి మెగా ఫ్యామిలీ కుటుంబ సభ్యులు వేసుకున్న డ్రెస్సులపై కూడా పెద్ద ఎత్తున వార్తలు వచ్చాయి. వారు.. డ్రెస్సులు ఎవరితో డిజైన్ చేయించుకున్నారనే దానిపై కూడా భారీగానే చర్చ కూడా న‌డుస్తుంది. ఈవెంట్‌లో చిరంజీవి, సురేఖ, నాగబాబు, ఆయన భార్య, వరుణ్ తేజ్, లావణ్య త్రిపాఠి, ఉపాసన, అల్లు అర్జున్, స్నేహ, అల్లు శిరీశ్, సాయి ధరమ్ తేజ్, వైష్ణవ్ తేజ్, సుస్మిత, శ్రీజ, నిహారికలు వేసుకున్న డ్రెస్సులు హైలెట్ గా నిలిచాయి.
పవన్ కళ్యాణ్ మాత్రం ఎప్పటిలాగే ఈసారి కూడా చాలా సింపుల్ లుక్ లో దర్శనం ఇచ్చాడు. ఓ ప్యాంట్ తో పాటు గ్రీన్ కలర్ టీషర్టు వేసుకొని సాదాసీదా వచ్చాడు. అలాగే బాబాయి బాటలోనే తాను కూడా ఉన్నానని ప్రూవ్ చేసుకోవడానికో, లేదా వేరో ఏదైనా కారణమో తెలియదు కానీ.. రామ్ చరణ్ కూడా చాలా సింపుల్ గా వచ్చాడు. ముఖ్యంగా ఓ వైట్ కలర్ షర్టు విత్ ప్యాంట్ వేసుకొని పెళ్లికి హాజరయ్యాడు. మిగతా వారంతా చాలా గ్రాండ్ డ్రెస్సులో కనిపిస్తుండగా వీరు మాత్రమే సింపుల్ గా కనిపించి హైలెట్ గా నిలిచారు. ఇటలీలోని టస్కనీలో హిందూ సాంప్రదాయం ప్రకారం వీరి వివాహం అంగరంగ వైభవంగా జ‌ర‌గ‌గా, ఈ పెళ్లి వేడుకకు సంబంధించిన ఫోటోలు వరుసగా ఒక్కొక్కటి బయటకి వస్తున్నాయి.
ఇప్పటికే వరుణ్ – లావణ్య పెళ్ళికి సంబంధించిన పలు ఫోటోలు సోషల్ మీడియాలో వైరల్ గా మారాయి. మెగా ఫ్యామిలీ ఫోటోల కోసం, వరుణ్ లావణ్య పెళ్లి ఫోటోల కోసం, పవన్ కళ్యాణ్ ఫోటోల కోసం అభిమానులు ఆతృతగా ఎదురు చూస్తున్నారు. అయితే తాజాగా బాబాయ్ పవన్ కళ్యాణ్ – అబ్బాయి రామ్ చరణ్ కలిసి ఉన్న ఫోటో ఒకటి వైరల్ గా మారింది. ఈ ఫొటోలో ఇద్దరూ సరదాగా నవ్వుతూ కనిపించారు. దీంతో మెగా ఫ్యాన్స్ ఈ ఫోటో బయటకి రావడంతో సంతోషం వ్యక్తం చేస్తున్నారు. అలాగే ముగ్గురు మెగా బ్రదర్స్, వారి భార్యలతో, వారి సిస్టర్స్ ఫ్యామిలీతో కలిసి దిగిన ఫోటో కూడా ఒకటి సోషల్ మీడియాలో వైరల్ అవుతుంది.
