Pavitra Lokesh Naresh : గ‌త కొద్ది రోజులుగా తెలుగు రాష్ట్రాల‌లో పవిత్ర లోకేష్, న‌రేష్‌ల పేర్లు తెగ మారుమ్రోగిపోతున్నాయి. మొన్న‌టి వ‌ర‌కు క‌లిసి జంట‌గా క‌నిపించ‌ని వీరు ఇటీవ‌ల మాత్రం ఎక్క‌డ‌కి వెళ్లిన జంట‌గానే వెళుతున్నారు. కృష్ణ మృతి స‌మ‌యంలో వీరిద్ద‌రి ప్ర‌వ‌ర్త‌న‌పై చాలా ట్రోలింగ్ న‌డిచింది. ఈ క్ర‌మంలో తనపై కొన్ని యూట్యూబ్ ఛానళ్లు అసత్య ప్రచారం చేస్తున్నాయని.. నరేష్‌తో ముడిపెడుతూ అసభ్యకరంగా ట్రోల్స్ చేస్తున్నట్లు సైబర్ క్రైమ్ పోలీసులకు ఇటీవ‌ల పవిత్ర లోకేష్ ఫిర్యాదు చేసిన విషయం తెలిసిందే. అయితే.. పవిత్ర లోకేష్ ఫిర్యాదు మేరకు కేసు నమోదు చేసుకున్న పోలీసులు.. ఇప్పటికే పలు యూట్యూబ్ ఛానళ్లు, పలు వెబ్‌సైట్లకు కూడా నోటీసులు జారీ చేశారు.
ఈ విష‌యంలోనే నరేష్.. నాంపల్లి కోర్టులో యూట్యూబ్ ఛానళ్లతో పాటు కొంత మందిపై క్రిమినల్ డిఫమేషన్ పిటిషన్ వేశారు ఈ పిటిషన్‌పై స్పందించిన నాంపల్లి కోర్టు.. పిటిషన్‌లో నరేష్ పేర్కొన్న 12 మందిపై విచారణ చేపట్టాలని సైబర్ క్రైమ్ పోలీసులకు నాంపల్లి కోర్టు ఆదేశాలు జారీ చేయ‌డంతో పాటు నరేష్ పేర్కొన్న 12 మందికి మరోసారి నోటీసులు జారీ చేశారు సైబర్ క్రైమ్ పోలీసులు. ఇమండి టాక్స్ రామారావ్, రెడ్ టీవీ, లేటెస్ట్ తెలుగు డాట్ కామ్, లైఫ్ ఇన్‌స్ప్రెషన్, రమ్య రఘుపతి, మూవీ న్యూస్, ది న్యూస్ క్యూబ్, తెలుగు న్యూస్ జర్నలిస్ట్, దాసరి విజ్ఞాన్, కృష్ణ కుమారి, నిరాదరణ కథనాలు ప్రసారం చేస్తున్న కొన్ని యూట్యూబ్ ఛానల్స్, మీడియా సంస్థలపై ఆధారాలతో సహా ఫిర్యాదు చేయ‌గా, దీనిపై ఇప్పుడు విచారణ జ‌రుగుతుంది.
ఈ దుష్ప్రచారం వెనుక రమ్య రఘుపతి హస్తం ఉందని పవిత్ర లోకేష్ కంప్లైంట్ చేయ‌డంతో ఆమె పేరు కూడా పొందుపరిచారు. కాగా, కొన్ని వెబ్‌సైట్లు ఫొటోలని మార్ఫింగ్ చేసి.. వైరల్ చేస్తున్నాయని పవిత్ర లోకేష్ ఫిర్యాదులో పేర్కొన్న విషయం తెలిసిందే.. ఈ చర్యలన్నీ తమ ప్రైవసీకి భంగం వాటిల్లేలా ఉన్నాయని తెలియ‌జేస్తూ.. పలు ఆధారాలని కూడా పవిత్ర లోకేష్ ఫిర్యాదుకి జత చేశారు.
