Pavitra Lokesh : విజ‌య నిర్మ‌ల త‌నయుడు నరేష్ సినిమా ప‌రిశ్ర‌మ‌లో త‌నదైన ముద్ర వేసుకున్నాడు. ఎన్నో విభిన్న‌మైన పాత్ర‌లు పోషించి తెలుగు ప్రేక్ష‌కుల‌ని ఎంత‌గానో అల‌రించాడు. హీరోగానే కాకుండా స‌పోర్టింగ్ పాత్ర‌ల‌లో కూడా నరేష్ మెప్పించాడు. అయితే మ‌నోడు సినిమాల క‌న్నా కాంట్ర‌వ‌ర్సీస్‌తోనే ఎక్కువ‌గా వార్త‌ల‌లో నిలుస్తుంటాడు. ఇప్పటికే మూడు పెళ్లిళ్లు చేసుకున్న నరేష్.. ప్ర‌స్తుతం న‌టి పవిత్రతో డేటింగ్‌లో ఉన్న‌ట్టు స‌మాచారం. ఆ మ‌ధ్య పవిత్రతో నరేష్ రెడ్ హ్యాండెడ్‌గా దొర‌క‌డంతో వీరిద్దిరి విష‌యంలో అంద‌రి నోళ్ల‌లో నానింది.
నా మొదటి భర్తగా ప్రచారం అవుతున్న సుచేంద్ర ప్రసాద్ ని కూడా నేను వివాహం చేసుకోలేదు. ఆయనతో నేను సహజీవనం చేశాను అని చెప్పుకొచ్చిన పవిత్ర.. నరేష్ మూడో భార్య రమ్య ప్రవర్తన సరిగా ఉండేది కాదు. నేను ఆమెను కొన్నాళ్లు గమనించాను. భర్త నరేష్ తో ఉండడానికి ఆమె ఇష్టపడలేదు. ఆమె సరిగ్గా ఉంటే నరేష్ కుటుంబం ఆమెకు మద్దతుగా ఉండేది. ఆమె ప్రవర్తన, స్వభావం నాకు నచ్చలేదు. ఆమెకు కొన్ని సమస్యలు ఉన్నాయి… అంటూ పలు విషయాలు పవిత్ర లోకేష్ ఓపెన్ గా చెప్పారు. ఇప్పటికే మూడు పెళ్లిళ్లు చేసుకుని ముగ్గురితో కాపురాలు చేసి.. ఇద్దరితో డివర్స్ తీసుకొని.. మూడో భార్యకి విడాకులు ఇవ్వడానికి రెడీగా ఉన్న నరేష్ పవిత్రతో డేటింగ్‌లో ఉండ‌గా, ఇప్పుడు ఆమెకు బ్రేకప్ చెప్పేందుకు సిద్ధ‌మ‌య్యాడ‌ట.
నరేష్ తన కొత్త గర్ల్ ఫ్రెండ్ మోజులో పవిత్ర లోకేషన్ ని దూరం పెట్టినట్లు కొంద‌రు ముచ్చ‌టించుకుంటున్నారు. ఫేడ్ అవుట్ అయిన హీరోయిన్‌తో కొత్త బంధం ఏర్ప‌ర‌చుకున్న‌ట్టు ప్రచారం జ‌రుగుతుండ‌గా, ఇందులో నిజం ఎంత ఉంద‌నేది తెలియాల్సి ఉంది. సాదార‌ణంగా నరేష్ త‌న‌పై వ‌చ్చే రూమర్స్‌కి వెంట‌నే స్పందిస్తాడు. మ‌రి ఈ వార్త‌ల‌పై ఏమైన క్లారిటీ ఇస్తాడా అన్న‌ది చూడాలి.
