నందమూరి బాల‌కృష్ణ‌కి వివాదాలు కొత్తేమి కాదు.తాజాగా వీరసింహా రెడ్డి సినిమా విజయోత్సవంలో నందమూరి బాలకృష్ణ మాటలు వివాదానికి కారణం అయ్యాయి. ఆ సమావేశంలో సుమారు అరగంట సేపు మాట్లాడిన నందమూరి బాలకృష్ణ, చివర్లో ఒక్కొక్కరి గురించి చెబుతూ తన నిర్మాతలను చేయి పట్టుకుని ముందుకు లాగి మాట్లాడారు. ఆ క్రమంలో ‘‘ఈయన ఉన్నాడంటే ఎప్పుడూ కూర్చుని శాస్త్రాలు.. నాన్న గారు.. డైలాగులు.. ఆ రంగా రావు.. ఈ అక్కినేని తొక్కినేని.. అన్నీ కూడా మాట్లాడుకుంటూ ఉండేవాళ్లం..’’ అని అన్నారు బాలకృష్ణ. దీంతో ఎస్వీ రంగా రావు, అక్కినేని నాగేశ్వర రావులను బాలకృష్ణ అవమానించారంటూ సోషల్ మీడియాలో కొన్ని పోస్టులు కనిపించాయి.
బాలయ్య కోపిస్టీ అనే సంగ‌తి చాలా మందికి తెలుసు. ఆయన ఎంత కోపం ఉన్నా.. మనసు మాత్రం వెన్న అంటారు మరికొంత మంది. ఎవరు ఎన్ని అన్నా.. బాలయ్య ఎక్కువ వివాదం అయ్యింది మాత్రం ఆయన నోరు జారడం వల్లే. ఓ సందర్భంలో దేవ బ్రహ్మణులకు.. రావణ బ్రహ్మకు లింక్ పెడుతూ.. బాలయ్య చేసిన వాఖ్యలు దుమారం రేపాయి. దాంతో ఆయన అఫీషియల్ గా వారికి క్షమాపణలు చెపుతూ.. ప్రెస్ నోట్ రిలీజ్ చేశారు. అప్పుడేదో క్షమాపణలు చెప్పారు కాని.. ఆయన అలా చెప్పడం అనేది చాలా అరుదు. గతంలో ఇలాంటి వివాదాల్లో.. ఇలాంటి మాటలెన్నో అన్నారు బాలకృష్ణ. ఇండస్ట్రీ అంతా కరోనా టైమ్ లో.. టికెట్ రేట్ల గురించి.. ఇండస్ట్రీ కష్టాల గురించి సీఎంలను కలిసినప్పుడు.. బాలయ్యను ఆహ్వానించకపోవడం ఎంతో వివాదం అయింది.
ఆ స‌మ‌యంలో వాళ్లు భూముల గురించి మాట్లాడుకోవడానికి వెళ్లినట్టున్నారు అని బాలయ్య అనడం చాలా పెద్ద వివాదానికి దారి తీసింది. కాని ఈ విషయంలో చాలా స్టాండెడ్ గా నిలబడ్డాడు మాస్ హీరో. ఓ ఆడియో ఫంక్ష‌న్ లో స్టేజ్ మీదనే ఆయన అమ్మాయికి ముద్దు అయినా పెట్టాలి..కడుపు అయినా చేయాలి…అంటూ సంచలన వ్యాఖ్యలు చేశారు. ఈ వ్యాఖ్యలు అప్పట్లో వివాద‌స్ప‌ద‌మైన విష‌యం తెలిసిందే. ఆత‌ర్వాత ఈ వ్యాఖ్య‌ల‌పై రాజకీయ దుమారం కూడా రేగిది. చాలా మంది వాటిపై అభ్యంత‌రం వ్య‌క్తం చేయ‌డంతో బాలయ్య మ‌హిళ‌ల‌కు క్షమాపణలు చెప్పాల్సిన ప‌రిస్థితి వ‌చ్చింది. ఏదేమైన ఇలా నోరు జార‌డంతో వివాదాల‌లో ఇరుక్కోవ‌ల‌సి వ‌స్తుంది.
