Nivetha Pethuraj : పోలీసుల‌కి రెడ్ హ్యాండెడ్‌గా దొరికిన విశ్వక్ సేన్ హీరోయిన్..?

Nivetha Pethuraj : ఆకట్టుకునే అందం, మైమరపించే నటనతో చాలా తక్కువ మంది హీరోయిన్లు మాత్రమే అంద‌రి దృష్టిని ఆక‌ర్షిస్తున్నారు. వారిలో నివేదా పేతురాజ్ ఒకరు. త‌క్కువ సినిమాల‌తో మంచి పేరు తెచ్చుకున్న ఈ ముద్దుగుమ్మ తెలుగుతో పాటు దక్షిణాదిలోనూ ఎన్నో చిత్రాల్లో భాగం అవుతోంది. నివేదా పేతురాజ్ ప్రస్తుతం సోషల్ మీడియాలో హాట్ టాపిక్‌గా మారింది. పోలీసులతో వాగ్వాదానికి దిగిన వీడియో ఒకటి నెట్టింట్లో తెగ ట్రెండ్ అవుతోంది. అయితే నివేదా పేతురాజ్ ఇలా పోలీసులతో వాగ్వాదానికి దిగుతుండటం అనేది కనిపిస్తోంది. అయితే ఈ వాగ్వాదం, ఆమె రియాక్షన్లు, పోలీసుల డ్రెస్సింగ్, ఆ పోలీసులు వేసుకున్న క్రాక్స్ చెప్పులు చూస్తే ఇదంతా స్క్రిప్టెడ్ అని అర్థం అవుతోంది.

దీంతో జనాలు ఈ వీడియోని దారుణంగా ట్రోల్ చేస్తున్నారు. ఇలాంటి ఐడియాలు ఎప్పుడో పాతపడ్డాయని, కొత్తగా ఆలోచించమని సలహాలు ఇస్తున్నారు. కారులో వెళుతున్న నివేదా పేతురాజ్‌ను పోలీసులు ఆపి మేడం.. ఎలక్షన్ కోడ్ నడుస్తోంది కాబట్టి చెకింగ్‌లో భాగంగా పోలీసులు తనిఖీలు చేశారు. అయితే నివేదా తన కారు డిక్కీ ఓపెన్ చేయడానికి అంగీకరించలేదు.కాసేపు పోలీసులతో వాగ్వాదం చేశారామె. “రోడ్డు వరకు వెళ్తున్నాను. నా దగ్గర పేపర్స్ కూడా ఉన్నాయి. కావాలంటే చూపిస్తాను. చెక్ చేసుకోండి” అని నివేదా పేతురాజ్ బదులిస్తుంది.అయినా పోలీసులు అవేం వద్దు ట్రంక్ (కారు డిక్కీ) ఓపెన్ చేయండి మేడమ్ అని గట్టిగా వారించారు. దానికి “అర్థం చేసుకోండి. ఇది మా కుటుంబ పరువుకు సంబంధించినది.

డిక్కీలో ఏం లేవు. ఇప్పుడు చెప్పినా మీకు అర్థం కాదు” అని నివేదా పేతురాజ్ అసహనం వ్యక్తం చేస్తుంది. ఇంతలో రికార్డ్ అవుతున్న కెమెరావైపు చూస్తూ “ఎందుకు రికార్డ్ చేస్తున్నారు.. ఆపండి” అంటూ కోపంగా కెమెరా తీసేసుకుంది నివేదా పేతురాజ్. అయితే నిజంగానే నివేదా పేతురేజ్ తన డిక్కీలో ఏమైనా తీసుకెళ్తుందా? పోలీసులకు చెకింగ్ కి సహకరించడానికి ఎందుకు భయపడుతుంది అని పలువురు కామెంట్స్ చేస్తుంటే.. ఈ వీడియో చూస్తుంటే ఏదో సినిమా ప్రమోషన్ కోసం చేసినట్లు ఉంది. పోలీస్, నివేదా ఎక్స్‌ప్రెషన్స్ కూడా యాక్టింగ్ చేసినట్టే ఉన్నాయి అంటూ పలువురు కామెంట్స్ చేస్తున్నారు.