Niharika : స‌మంత- నాగ చైతన్య విడాకుల త‌ర్వాత టాలీవుడ్ లో నిహారిక- చైత‌న్య‌ల విడాకుల విష‌యం ఆ రేంజ్‌లో హాట్ టాపిక్ అయింది. గ‌త కొన్ని నెల‌లుగా నిహారిక విడాకుల వార్తలు నెట్టింట చక్కర్లు కొడుతున్నా నాగబాబుతో పాటు మ‌రెవ‌రు నోరు మెదపలేదు. నిహారిక-వెంకట చైతన్య సోషల్ మీడియాలో ఒకరినొకరు అన్ ఫాలోచేసుకోవ‌డం, వెంకట చైతన్య పెళ్లి ఫోటోలు, నిహారికతో సన్నిహితంగా ఉన్న ఫోటోలు ఇంస్టాగ్రామ్ అకౌంట్ నుండి తొలగించ‌డం విడాకుల వార్తలకు కారణమైంది. అయితే అందరు ఊహించిన‌ట్టే జూలై 5న నిహారిక, చైత‌న్య‌లు విడాకులు తీసుకున్న‌ట్టు ప్ర‌క‌టించిన షాక్ ఇచ్చారు.
అయితే అంత‌క‌ముందు వెంకట చైతన్యతో నిహారిక విడిపోతున్నారని పదుల సంఖ్యలో కథనాలు వెలువడిన‌ప్ప‌టికీ, ఇరు వర్గాల్లో ఎవరూ స్పందించలేదు. ముఖ్యంగా నాగబాబు ఎందుకు ఖండించడం లేదనే వాదన వినిపిస్తోంది. చిన్న చిన్న విషయాలకు కూడా క్షణాల్లో స్పందించి సోషల్ మీడియా పోస్ట్స్ పెట్టే నాగబాబు మౌనానికి కారణం ఏంటనే? చర్చ మొదలైంది. నాగబాబు కూతురికి సప్పోర్ట్ చేస్తున్నారా? అనే చర్చ కూడా జరిగింది. విడాకుల విష‌యంలో చిరంజీవి కూడా కలుగజేసుకున్నారని. ఇద్దరికీ సర్ది చెప్పి విడాకుల ఆలోచన విరమింప చేయాలని చూసారని కూడా అన్నారు. ఎన్ని ప్ర‌య‌త్నాలు చేసిన కూడా వారు విడిపోవాల‌ని డిసైడ్ అయ్యారు కాబ‌ట్టి డైవర్స్ తీసుకున్నారు.
నాగబాబు అతి గారాబం కూతురు విడాకులు తీసుకునేందుకు కారణమైందంటూ తన సన్నిహితుల దగ్గర నాగబాబు ఆవేదన వ్యక్తం చేస్తున్నారు. కారణం తానేనంటూ ఆయన లోలోన కుమిలిపోతున్నట్లు తెలుస్తోంది. ఒక్క‌గానొక్క ఒక్క కూతురు అని చాలా గారాబంగా పెంచ‌డం వ‌ల్ల‌నే నిహారిక క‌నీసం అత్త‌గారింట్లో కూడా అడ్జెస్ట్ కాలేక‌పోయిందని, అందుకే విడాకులు తీసుకోవ‌ల‌సి వ‌చ్చింద‌ని ప‌లువురు చెబుతున్నారు. ప్ర‌స్తుతం నిహారిక న‌టిగా, నిర్మాత‌గా రాణించేందుకు ప్ర‌య‌త్నం చేస్తుంది. ఇటీవల డెడ్ పిక్సెల్స్ అనే వెబ్ సిరీస్ తో ప్రేక్షకులని పలకరించగా, ఇది ఓ మోస్తారు విజయం సాధించింది.
