Nayanthara : లేడీ సూప‌ర్ స్టార్ న‌య‌న‌తార, ద‌ర్శ‌కుడు విగ్నేష్ శివ‌న్ దంప‌తులు అంద‌రికీ షాకిచ్చారు. విగ్నేష్ శివ‌న్ త‌న సోష‌ల్ ఖాతాల్లో త‌మ‌కు క‌వ‌ల అబ్బాయిలు జ‌న్మించార‌ని పోస్ట్ పెట్టాడు. దీంతో అంద‌రికీ ఒక్క‌సారిగా దిమ్మ‌తిరిగిపోయింది. వీళ్ల‌కు పెళ్లి అయ్యి 4 నెల‌లే అవుతోంది. జూన్ 9న వివాహం చేసుకున్నారు. ఇంతలోనే పిల్ల‌లు ఎలా పుట్టారు.. అని తీవ్రంగా చ‌ర్చ న‌డుస్తోంది. అయితే వీరు పెళ్లికి ముందు స‌రోగ‌సీ ప్లాన్ చేసిన‌ట్లు అర్థం చేసుకోవ‌చ్చు. అందుక‌నే ఇప్పుడు పిల్ల‌లు పుట్టారు. అయితే ఇలా స‌డెన్‌గా వీరు ఇచ్చిన స‌ర్‌ప్రైజ్‌కి అంద‌రూ ఆశ్చ‌ర్య‌పోతున్నారు. ఇక ఈ జంట‌కు శుభాకాంక్ష‌లు వెల్లువెత్తుతున్నాయి.
నయన్, విగ్నేష్ లు ఎన్నో ఏళ్లుగా ప్రేమించుకున్నారు. వీరు గ‌తంలో ప‌లు ఆల‌యాల్లో ప్ర‌త్యేక పూజ‌లు చేశారు. నయన్ జాత‌కంలో దోషం ఉంద‌ని.. క‌నుక‌నే వీరు పూజ‌లు చేస్తున్నార‌ని అప్ప‌ట్లో వార్త‌లు వ‌చ్చాయి. అయితే ఆ వార్త‌ల‌కు తెర దించుతూ వీరు ఎట్ట‌కేల‌కు మొన్నీ మ‌ధ్యే వివాహం చేసుకున్నారు. ఈ క్ర‌మంలోనే వీరు ప‌లు దేశాల‌కు రెండు సార్లు హ‌నీమూన్‌కు కూడా వెళ్లివ‌చ్చారు. అయితే పెళ్లి కార‌ణంగా కొన్ని రోజుల పాటు షూటింగ్‌ల‌కు బ్రేక్ ఇచ్చిన న‌య‌న‌తార ఇప్పుడు మ‌ళ్లీ షూటింగ్‌ల‌లో పాల్గొంటోంది. కానీ నయన్ దంప‌తులు పిల్ల‌ల కోసం ప్ర‌య‌త్నిస్తున్నార‌ని, క‌నుక ఆమె సినిమాల‌కు విరామం ఇస్తుంద‌నే వార్త‌లు ఇటీవ‌ల బాగా ప్ర‌చారం అయ్యాయి.
కానీ ఇలా నయన్ దంప‌తులు మాత్రం ఊహించ‌ని స‌డెన్ స‌ర్‌ప్రైజ్ ఇచ్చారు. దీంతో అంద‌రూ షాక‌వుతున్నారు. పిల్ల‌ల్ని ఇలా కూడా క‌నొచ్చా.. అని ఆశ్చ‌ర్య‌పోతున్నారు. వారు సినిమా షూటింగ్ ల వ‌ల్ల బిజీగా ఉండడంతోపాటు పిల్ల‌ల్ని క‌నే ప్రోగ్రామ్ పెట్టుకుంటే కెరీర్‌కు ఆటంకం క‌లుగుతుంద‌ని భావించే ఇలా స‌రోగ‌సీని ఆశ్ర‌యించార‌ని తెలుస్తోంది. ఇక పెళ్ల‌యిన నాలుగు నెల‌లకు వీరు త‌ల్లిదండ్రులు అయి రికార్డు సృష్టించారు. ఈ క్ర‌మంలో విగ్నేష్ శివ‌న్ స్పందిస్తూ.. త‌మ‌లాగే త‌మ పిల్ల‌ల‌కు కూడా ఆశీర్వాదాలు అందించాల‌ని త‌న పోస్టుల‌లో కోరాడు. ఏది ఏమైనా ఇప్పుడీ విష‌యం మాత్రం హాట్ టాపిక్‌గా మారింది.
