Naresh : తెలుగు చలనచిత్ర పరిశ్రమలో కథానాయకుడిగా, క్యారెక్టర్ యాక్టర్ గా మంచి పేరు ప్రఖ్యాతలు సంపాదించుకున్నారు నరేష్. ఆయన ఇటీవ‌ల ప‌విత్ర లోకేష్ తో ప్రేమ వ్య‌వ‌హారంపై ఎక్కువగా వార్త‌ల‌లో నిలుస్తున్నాడు. ఇటీవ‌ల ఎక్క‌డ‌కు వ‌చ్చినా వీరిద్ద‌రూ క‌లిసే వ‌స్తున్నారు. దీంతో మీడియా అటెన్ష‌న్ అంతా అటే పోతుంది. ఇలాంటి త‌రుణంలో వీరిద్ద‌రూ జంట‌గా ‘మ‌ళ్ళీ పెళ్లి’ అనే సినిమా తీశారు. ఈ సినిమా మే 26న విడుద‌ల కానుండ‌గా, ఈ మూవీ ప్రమోష‌న్స్ లో తెగ యాక్టివ్‌గా పాల్గొంటున్నారు. ఈ క్ర‌మంలో ప‌విత్రకి సంబంధించిన ప‌లు విష‌యాలు మాట్లాడారు.
ఓ వ్య‌క్తి కార‌ణంగా జీవితంలో త‌లనొప్పులు వ‌చ్చాయి. నాకు ఆ వ్య‌క్తి పేరు చెప్ప‌టం ఇష్టం లేదు. ఇప్పుడు నేను విడాల‌కు అప్ల‌య్ చేశాను. ఆ వ్య‌క్తి నా ప‌రువుకు భంగం క‌లిగించాల‌ని, మా ఇద్ద‌రినీ నాశ‌నం చేయాల‌ని ఎంతో ప్ర‌య‌త్నించింది. ఎన్నో ఇబ్బందులు ఎదురైనా ప‌విత్రా లోకేష్ న‌న్ను న‌మ్మి వ‌చ్చింది. నేను ఆమెను ప్రాణం ఉండేంత వ‌ర‌కు కాపాడుతాను. అందుక‌నే ఆమెకు అండ‌గా నిల‌బ‌డుతున్నాను’’ అన్నారు. ప‌విత్ర లోకేష్ లో త‌ను తన అమ్మ‌ను చూసుకుంటున్నాన‌ని అన్నాడు. నాకు అందం, డ‌బ్బు ఉంది. రోజుకో అమ్మాయి కావాల‌న్నా కూడా వస్తుంది అని నరేష్ సంచలన కామెంట్స్ చేశారు. ముస‌లోడివి చాలా మంది ట్రోల్ చేశారు. కాని ఇది నా వ్య‌క్తిగ‌త విష‌యం అని ఆయన అన్నారు.
ఇక మ‌ళ్లీ పెళ్లి మూవీ ప్ర‌మోష‌న్ కార్యక్రమాలలో భాగంగా నరేష్ తన ఆస్తుల గురించి కూడా బయటపెట్టారు.ఈ సందర్భంగా నరేష్ మాట్లాడుతూ అవును తాను ఒక బిలీనియర్ అని తనకు వెయ్యి కోట్లకు పైగా ఆస్తులు ఉన్నాయని కూడా ఒప్పుకున్నారు. వారసత్వంగా వచ్చిన ఆస్తి కొంత అయితే తాను కష్టపడి సంపాదించుకున్న ఆస్తి మరి కొంత ఉందని కూడా నరేష్ తెలిపారు.దాదాపు ఆయ‌నకి వెయ్యి కోట్ల ఆస్తులు ఉన్న‌ట్టు స‌మాచారం.
