Naresh And Pavitra Lokesh : గ‌త కొంత కాలంగా తెగ వార్త‌ల‌లో నిలుస్తున్న జంట నరేష్, పవిత్ర. ఈ జంట గ‌త కొద్ది రోజులుగా తెగ వార్త‌ల‌లో నిలుస్తున్నారు. క‌లిసి తిర‌గ‌డం, ఒకే చోట ఉండ‌డం వంటివి చేస్తున్నారు. అయితే అస‌లు వీరిద్ద‌రి మ‌ధ్య ఉన్న సంబంధం ఏంటా అని అంద‌రు ఆలోచిస్తున్న క్ర‌మంలో పవిత్ర లోకేష్ ని నేను పెళ్లి చేసుకోలేదు. మేము సహజీవనం చేస్తున్నామని స్పష్టత ఇచ్చారు నరేష్ . రమ్య రఘుపతితో విడిపోయిన నరేష్ నటి పవిత్ర లోకేష్ కి దగ్గరయ్యారు. ఆమెతో క‌లిసి ఉంటున్నారు. ఇటీవ‌ల ఆమెపై చేతులు వేస్తూ ఎక్కువ‌గా మీడియాలో క‌నిపిస్తున్నారు. ఆ మ‌ధ్య అంద‌రూ బాగుండాలి అందులో నేనుండాలి సినిమాకి సంబంధించి బైట్ ఇచ్చిన నేప‌థ్యంలో వీడియో మొత్తం కూడా ఆమెపై చేతులు ఉంచే మాట్లాడాడు.
కృష్ణ అంత్య‌క్రియ‌ల‌కు వెళ్లే స‌మ‌యంలో కూడా నరేష్ ఆమెపై చేతులు వేయ‌డం అంద‌రం దృష్టిని ఆక‌ర్షించింది. ఇక ఇదిలా ఉంటే నరేష్ , పవిత్ర తమ వ్యక్తిగత జీవితాల ఆధారంగా సినిమా తీయాలని ప్లాన్ జ‌రుగుతున్న‌ట్టు తెలుస్తుంది. దీనిని నాన్ బ‌యోపిక్‌గా చెప్ప‌వ‌చ్చు. అయితే ఈ సినిమాలో వారి వ్యక్తిగత జీవితం మరియు ఇప్పటివరకు జరిగిన పరిస్థితులపై సినిమా తీయాలనేది నరేష్ ఆలోచనగా వినిపిస్తోంది. కథకు కొంత డ్రామా మరియు ఫిక్షన్ జోడించి ఈ సినిమాని రూపొందించ‌నున్న‌ట్టు తెలుస్తుండ‌గా, ప్రధాన పాత్రలలో నరేష్ , పవిత్ర కనిపిస్తారని స‌మాచారం.
పవిత్ర లోకేష్ విషయానికొస్తే.. ఈమె కన్నడలో టెలివిజన్ యాక్ట్రెస్‌గా కెరీర్ ప్రారంభించారు. ముఖ్యంగా కన్నడలో కొన్ని చిత్రాల్లో హీరోయిన్ పాత్రల్లో నటించారు. ముఖ్యంగా సపోర్టింగ్ క్యారెక్టర్స్‌తో ఈమె ఫేమస్ అయ్యారు. కర్ణాటకలోకి మైసూర్‌లో జన్మించిన ఈమె తండ్రి మైసూర్ లోకేష్ కన్నడ స్టేస్ కమ్ ఫిల్మ్ యాక్టర్. తండ్రి వారసత్వంలో సినిమాల్లో అడుగులు వేసింది. ఈమె తన 16 యేళ్లకే సినీ రంగ ప్రవేశం చేసింది. 1994లో అంబరీష్ హీరోగా నటించిన ‘మిస్టర్ అభిషేక్’ చిత్రంలో నటించింది. ఆ తర్వాత అదే యేడాది ’బంగారద కలశ’లో ఇంపార్టెంట్ రోల్ ప్లే చేసింది. ప్ర‌స్తుతం తెలుగులో పలు చిత్రాల‌లో సపోర్టింగ్ రోల్స్ చేస్తుంది.
