Nara Lokesh : చంద్రబాబు అరెస్ట్ తర్వాత నారా ఫ్యామిలీ రాజకీయాలలో చాలా యాక్టివ్గా ఉండడం మనం చూస్తూనే ఉన్నాం. నారా లోకేష్, ఆయన తల్లి భువనేశ్వరి, సతీమణి బ్రాహ్మణి రాజమండ్రి సెంట్రల్ జైల్లో చంద్రబాబుతో ములాఖత్ అయ్యారు. అంతకు ముందు విజయవాడ నుంచి భారీ ర్యాలీతో లోకేష్ రాజమండ్రికి చేరుకున్నారు. చాలా రోజుల తర్వాత అక్కడ భువనేశ్వరి, బ్రాహ్మణిలను లోకేష్ కలుసుకున్నారు. నారా లోకేష్ను కలుసుకున్న నారా భువనేశ్వరి, బ్రాహ్మణి భావోద్వేగానికి గురైయ్యారు. కాసేపు అక్కడ ఉద్విగ్న వాతావరణం నెలకొంది. చంద్రబాబుతో ములాఖత్ తర్వాత మీడియాతో మాట్లాడిన నారా లోకేష్.. చంద్రబాబు అరెస్టు వెనుక కేంద్రం హస్తం ఉందనడానికి ఎలాంటి ఆధారాలు లేవన్నారు.
ఆధారాలు లేకుండా తాను ఈ అంశంపై మాట్లాడనని లోకేష్ స్పష్టం చేశారు. ఢిల్లీలో తాను ప్రధాని మోదీ, కేంద్ర హోం మంత్రి అమిత్ షాలను కలిసేందుకు వారి అపాయింట్మెంట్లు కోరలేదని చెప్పారు. రాజమండ్రి సెంట్రల్ జైల్లో చంద్రబాబు నాయుడు ధైర్యంగా ఉన్నట్లు చెప్పారు. అయితే జైల్లో ఆయన భద్రత పట్ల తాము ఆందోళనగా ఉందన్నారు. రాజమండ్రి సెంట్రల్ జైల్లో కొందరు నక్సల్స్, గంజాయి కేసుల్లో అరెస్టైన ఖైదీలు ఉన్నారని గుర్తుచేశారు.చంద్రబాబు అరెస్ట్ తర్వాత అందరి చూపు నారా లోకేష్ వైపు వెళ్లింది. కానీ.. బాబు అరెస్ట్ తర్వాత ఢిల్లీకి వెళ్లిపోయిన నారా లోకేష్ అక్కడ దాదాపు 22 రోజుల పాటు ఉండిపోయారు. దాంతో అతని భార్య నారా బ్రాహ్మణి అన్నీ తానై తన అత్త భువనేశ్వరితో కలిసి ఏపీలో దీక్ష, నిరసన, ఆందోళన కార్యక్రమాలు చేపట్టింది.
ఈ నేపథ్యంలో బ్రాహ్మణి ఒక్కసారిగా టీడీపీలో హైలైట్ అయ్యింది. టీడీపీలో బ్రాహ్మణి పాత్ర గురించి ప్రశ్న రాగానే నారా లోకేష్ తొలుత ఆశ్చర్యంగా రిపోర్ట్ వైపు చూశారు. అనంతరం అదేం ప్రశ్న స్వామి..? అని సమాధానం దాటవేస్తూ తన తల్లి భువనేశ్వరి గురించి చెప్పుకుంటూ వెళ్లారు. అయితే 22 రోజులు ఏపీలో లేని లోకేష్కి బ్రాహ్మణికి పెరిగిన క్రేజ్ సరిగా తెలిసినట్లు లేదు. ఈ మూడు వారాలుగా బాబుతో ఏ టీడీపీ నాయకుడు ములాఖత్కి వెళ్లినా.. వారి వెంట నోట్బుక్తో బ్రాహ్మణి ఉంటుంది. పార్టీ వ్యవహారాల్ని బాబుకి చేరవేస్తూ.. అతను చేసే సూచనలను కేడర్కి ఆమె వివరిస్తోందని టాక్ బలంగా నడుస్తోంది.యువగళం పాదయాత్ర ఆపేయడంతో ఓ రిపోర్టర్ ప్రశ్న వేయగా, టీవీ 9 రిపోర్టరా ఇతను అని అన్నాడు లోకేష్. ఇంకా సాక్షి రిపోర్టర్ రాలేదా.. ఓహో సాక్షి రిపోర్టర్ వచ్చాడా అంటూ ఫన్ చేశారు లోకేష్.ఇందుకు సంబంధించిన వీడియ్ నెట్టింట హల్చల్ చేస్తుంది.
