Nandamuri Chaitanya Krishna : నందమూరి యువ హీరో చైతన్య కృష్ణ హీరోగా బ్రీత్ మూవీతో టాలీవుడ్‌లోకి ఎంట్రీ ఇస్తోన్నారు. బ్రీత్‌కు ముందు ధ‌మ్‌తో పాటు కొన్ని సినిమాల్లో చైతన్య కృష్ణ కీల‌క పాత్ర‌ల్లో క‌నిపించారు. డిసెంబ‌ర్ 2న ఈ మూవీ ప్రేక్ష‌కుల ముందుకు రాబోతోంది. ఎమోష‌న‌ల్ థ్రిల్ల‌ర్‌గా రూపొందుతోన్న ఈ మూవీ ముఖ్య‌మంత్రిని చంపాల‌ని ప్ర‌య‌త్నించే ఓ యువ‌కుడి కథతో ఇంట్రెస్టింగ్ కథనంతో ఈ సినిమా తెర‌కెక్కుతోంది. బాల‌కృష్ణ సోద‌రుడు అయిన నందమూరి జ‌య‌కృష్ణ త‌న‌యుడే చైతన్య కృష్ణ. మూవీ ప్ర‌మోష‌న్‌లో భాగంగా చైతన్య కృష్ణ ప‌లు ఇంట‌ర్వ్యూలు ఇస్తూ ఆస‌క్తిక‌ర విష‌యాలు తెలియ‌జేస్తున్నాడు.
తాతగారు మా నాన్నకి ప్రాప‌ర్టీస్ ఎక్కువ‌గా అప్ప‌గించారు. తాతగారు అప్ప‌ట్లో శంషాబాద్‌లో 250 ఎక‌రాల ల్యాండ్ తీసుకున్నారు. అది ఎవ‌రికి తెలియ‌దు. డాడీకి అంతా ఎగ్జిక్యూష‌న్ చేశారు. ఫాం కోసమే తీసుకున్నారు. అది మొత్తం డాడీనే చూసుకునేవాళ్లు. ఫ్యామిలీతో పాటు బిజినెస్‌తో బిజీగా ఉండ‌డం వ‌ల్ల‌నే డాడీకి లో ప్రొఫైల్ గా ఉంటారు అని చైతన్య కృష్ణ చెప్పుకొచ్చాడు. ఇక టీడీపీ-జనసేన పొత్తుపై స్పందించారు. పొత్తుపై మాట్లాడుతూ సంచలన వ్యాఖ్యలు చేశారు. చైతన్య కృష్ణ స్పందిస్తూ.. ‘‘ టీడీపీకి సొంత క్యాడర్‌ ఉందండి. సొంతంగా వెళ్లినా గెలుస్తాం. వేరే పార్టీలు కూడా కలిస్తే.. పొత్తు పెట్టుకుంటాం. వాళ్లకు కొన్ని సీట్లు ఇస్తాం. టీడీపీ సపోర్టు చేస్తానని పవన్ కల్యాణ్‌ గారు ముందుకు వచ్చారు’’ అని అన్నారు.
నాన్నగారు మంచి కథతో సినిమా చేయమని చెప్పారు. మంచి కథల కోసం చూస్తున్న సమయంలో దర్శకుడు వంశీకృష్ణ చెప్పిన కథ నాకు బాగా నచ్చింది. మంచి సందేశంతో సమాజానికి అవసరమైన కథ ఇది. వంశీ అద్భుతమైన కాన్సెప్ట్‌తో అన్ని విషయాల్లో జాగ్రత్త తీసుకొని ఈ సినిమాని తీర్చిదిద్దారు. భవిష్యత్‌లో మేము మళ్ళీ కలిసి పని చేస్తాం. మా బాబాయ్ బాలకృష్ణ‌గారు, బి గోపాల్‌గారు, కోడిరామకృష్ణ గార్ల కాంబినేషన్ ఎలా అయితే హిట్ కాంబినేషన్‌గా నిలిచిందో.. మాది కూడా తప్పకుండా హిట్ కాంబినేషన్ అవుతుంది. నాకు ఈ అవకాశం ఇచ్చిన నాన్నగారికి ధన్యవాదాలు అని అన్నారు చైతన్య కృష్ణ.
