Namrata Shirodkar : సూపర్ స్టార్ కృష్ణ త‌న‌యుడు మహేష్ బాబు గురించి చాలా మందికి తెలుసు. కాక‌పోతే రమేష్ బాబు ఈ త‌రం వారికి అంత‌గా తెలియ‌క‌పోవ‌చ్చు..సూపర్ స్టార్ కృష్ణ వారసుడిగా సినీ ఇండస్ట్రీకి ఎంట్రీ ఇచ్చిన మహేష్ బాబు తెలుగు సినీ ఇండస్ట్రీలో స్టార్ హీరోగా తనకంటూ ఒక ప్రత్యేకమైన గుర్తింపును ఏర్పరచుకున్న విషయం తెలిసిందే. సూపర్ స్టార్ కృష్ణ తరువాత వారసుడిగా సూపర్ స్టార్ అనే టైటిల్ కి న్యాయం చేసిన హీరో మహేష్ బాబు.అయితే మహేష్ బాబు తర్వాత ఆ టైటిల్ కి ఎవరు న్యాయం చేస్తారు అని ఇంతవరకు ఘట్టమనేని అభిమానులు ఎంతగానో ఎదురు చూశారు.మహేష్ బాబు తర్వాత కొడుకు గౌతమ్ ఘట్టమనేని సూపర్ స్టార్ గా ఎదుగుతాడు అని అంద‌రు భావించారు.
కాని గౌతమ్ కంటే ముందు ఘట్టమనేని ఫ్యామిలీ నుంచి మరొక సూపర్ స్టార్ రాబోతున్నాడు. అత‌ను మరెవరో కాదు మహేష్ బాబు అన్న రమేష్ బాబు కొడుకు. సూపర్ స్టార్ కృష్ణ అంత్యక్రియలు ముగిసిన తరువాత ఫ్యామిలీతో కలిసి ఫోటోలు దిగాడు అందుకు సంబంధించిన ఫోటోలు నెట్టింట తెగ హ‌ల్‌చ‌ల్ చేశాయి. న‌మ్ర‌త కూడా చాలా రోజుల తర్వాత జ‌య‌కృష్ణ‌ని చూసి షాక్ అయింది. ఇంత పెద్దోడు అయ్యాడు. అచ్చం హీరో మాదిరిగా ఉన్నాడుగా అంటూ ఆశ్చ‌ర్యం వ్య‌క్తం చేసింది. ఇక మహేష్ బాబు, జయకృష్ణ ఘట్టమనేని పక్క పక్కన చూస్తే ఇద్దరు ఒకేలాగా కనిపిస్తున్నారు.ఇక జయకృష్ణ గ్లామర్ కటౌట్ చూస్తుంటే గట్టమనేని కాంపౌండ్ నుంచి మరొక సూపర్ స్టార్ సినీ ఇండస్ట్రీకి ఎంట్రీ ఇవ్వబోతున్నట్లు తెలుస్తోంది.
కేవలం హీరోకి ఉండాల్సిన లక్షణాలు మాత్రమే కాకుండా సూపర్ స్టార్ టైటిల్ కి ఉండాల్సిన అర్హతలు కూడా సంపాదించినట్టు తెలుస్తోంది.జయకృష్ణ తన ఇంస్టాగ్రామ్ ఖాతాలో కొన్ని స్టంట్స్ కి సంబంధించిన వీడియోలను ఫోటోలను షేర్ చేశాడు.ఆ వీడియోలు 4, 5 అడుగుల ఎత్తుకు ఎగురుతూ స్టంట్ చేస్తున్నాడు.ఈ వీడియోని జై కృష్ణ ఘట్టమనేని ఫోటోలు వీడియోలు చూస్తున్న పలువురు ఘట్టమనేని అభిమానులు తప్పకుండా నువ్వు సినీ ఇండస్ట్రీకి హీరోగా ఎంట్రీ ఇవ్వాలి అప్ కమింగ్ సూపర్ స్టార్ నువ్వే అంటూ కామెంట్ల వర్షం కురిపిస్తున్నారు.
