ఎప్పుడు చలాకీగా ఉండే సమంత గత కొన్ని రోజులుగా మయోసైటిస్ వ్యాధితో చికిత్స పొందుతుంది అన్న విషయం అందరికీ తెలిసిందే. అయితే సమంత అనారోగ్య విషయంపై సోషల్ మీడియాలో ఎన్నో వార్తలు పుట్టుకొస్తున్నాయి. ప్రస్తుతం సోషల్ మీడియాలో మరో కొత్త వార్త హల్చల్ చేస్తుంది. అది ఏంటంటే నాగ చైతన్య తన మాజీ భార్య సమంత అనారోగ్యంతో బాధపడుతున్న కారణంగా ఆమె క్షేమాన్ని చూసేందుకు ఆమె వద్దకు వెళ్లాడనే వార్త ప్రస్తుతం సోషల్ మీడియాలో మరియు యూట్యూబ్ ఛానెల్‌లలో బాగా వైరల్‌గా మారింది.
ఇతర మీడియా సంస్థలు కూడా సమంత తన ఆసుపత్రి వార్డులో నాగ చైతన్యను గుర్తించిన మరుక్షణంలో గట్టిగా కౌగిలించుకున్నట్లు వార్తలలో ప్రచారం చేస్తున్నారు. మరి ఈ వార్తల్లో అసలు ఎంతవరకు నిజముంది అనే విషయానికి వెళ్తే.. మొదటి అన్నిటికంటే సమంత అసలు ఆసుపత్రిలోనే లేదు. సమంత తన ఇంటిలోపలే ఉంటూ తన అనారోగ్య సమస్యకు చికిత్స తీసుకుంటుంది. ఆమె మయోసైటిస్ వ్యాధి నుండి పూర్తిగా కోలుకుంటుంది. ఇక వార్తలు ప్రచారం అవుతున్న విధంగా నాగ చైతన్య అసలు ఆమెను కలవడానికి వెళ్లలేదు . అతను ఆమెకు ఫోన్ చేశాడో లేదో కూడా తెలియదు.
థాంక్యూ మూవీ డిజాస్టర్ తర్వాత నాగచైతన్య ఆచితూచి కథలను ఎంచుకుంటున్నాడు. ప్రస్తుతం ఫిల్మ్ మేకర్ వెంకట్ ప్రభుతో కలిసి నాగ చైతన్య తన 22వ చిత్రాన్ని తెలుగు మరియు తమిళ ద్విభాషా చిత్రాన్ని తెరకెక్కిస్తున్నాడు. ఈ చిత్రానికి సంబంధించిన షూటింగ్ పనులు సరవేగంగా జరుగుతున్నాయి. సమంత అనారోగ్య సమస్య గురించి వార్తలు వచ్చిన ఆ సమయంలోనే ప్రముఖ తమిళ దినపత్రిక దినకరన్ నాగార్జున అక్కినేని ఈ రోజు తరువాత ఆసుపత్రిలో సమంతను కలుస్తున్నారని వెల్లడించారు. ఇక ఈ వార్త తక్షణమే వైరల్ అయ్యింది. ఇక ఫైనల్ గా చెప్పవలసింది ఏంటంటే గత ఏడాది విడాకుల తర్వాత సమంత మరియు నాగ చైతన్య ఇద్దరూ ఇప్పటి వరకు కలుసుకోలేదు.
