Nagarjuna : టాలీవుడ్ సీనియ‌ర్ హీరోలు బాలకృష్ణ, నాగార్జున ఒక‌ప్పుడు ప్రేక్ష‌కుల‌ని ఉర్రూత‌లూగించిన విషయం తెలిసిందే. ఎవ‌రి స్టైల్‌లో వారు త‌మ‌దైన సినిమాలు చేసి మెప్పించారు. వైవిధ్య‌మైన క‌థ‌ల‌తో విభిన్న చిత్రాలు చేసి ప్రేక్ష‌కుల‌ని ఎంత‌గానో మెప్పించారు. అయితే ఈ ఇద్దరి మధ్య కొన్నాళ్లుగా కోల్డ్ వార్ న‌డుస్తూ వ‌స్తుంది. ఇటీవ‌ల బాలయ్య ఓ ఈవెంట్‌లో అక్కినేని తొక్కినేని అంటూ సంచ‌ల‌న కామెంట్స్ చేయడంతో దీనిపై చైతూ, అఖిల్ కొంత ఘాటుగానే స్పందించారు. నాగార్జున మాత్రం ఎలాంటి స్టేట్‌మెంట్ ఇవ్వ‌లేదు. అయితే బాలయ్య – నాగార్జున ప‌దేళ్ల ముందు వ‌ర‌కు బాగానే ఉన్నా తర్వాత వీరి మధ్య గ్యాప్ పెరిగింది.
నాగార్జున ముందు నుంచి ఎక్కువుగా చిరంజీవితో క్లోజ్‌గా ఉండేవారు. చిరుతో వ్యాపార భాగ‌స్వామిగా కూడా ఉన్నాడు. ఇక నాగార్జున పెద్ద కుమారుడు నాగ‌చైత‌న్య‌ను హీరోగా ప‌రిచ‌యం చేసిన‌ప్పుడు కూడా బాలయ్య వ‌చ్చి చైతును స్టార్ హీరో అవ్వాల‌ని ఆకాంక్షించ‌డంతో పాటు దీవించారు కూడా. ఆ తర్వాత ఇద్దరి మధ్య ఎక్క‌డో గ్యాప్ రావ‌డంతో ఏఎన్నార్ జీవిత‌కాల సాఫ‌ల్య పుర‌స్కారాల ప్ర‌క‌ట‌న‌లో నాగార్జున ఇండ‌స్ట్రీలో ప్ర‌ముఖులు అంద‌రిని ఆహ్వానించి బాల‌య్య‌ను మ‌ర్చిపోయారు. ఇదే బాల‌య్య‌లో కోపానికి కార‌ణ‌మైంద‌ని అంటారు. అనంత‌రం నాగ్ స్వ‌యంగా బాలయ్య ఇంటికి వెళ్లి బ‌తిమిలాడినా కూడా ప‌ట్టించుకోలేదంటారు.
ఇక 2012 సంవత్సరంలో బాలకృష్ణ హీరోగా నటించిన శ్రీమన్నారాయణ సినిమా విడుదల అయ్యింది. ఈ సినిమానే ఇద్దరి మధ్య దూరానికి కారణమైనట్టు టాక్ వినిపిస్తోంది. శ్రీమన్నారాయణ చిత్రం 2012 ఆగస్టు 30వ తేదీన విడుదలై యావరేజ్ టాక్ ను సొంతం చేసుకుంది. అయితే ఈ సినిమా విడుదలైన వారం రోజుల తర్వాత నాగార్జున నటించిన షిరిడి సాయి సినిమా విడుదల అయింది. కాగా కూకట్ పల్లి లోని ఓ థియేటర్ లో బాలయ్య సినిమాను తీసేసి షిరిడి సాయి సినిమాను ప్రదర్శించ‌డంతో బాలయ్య …నిర్మాతలు, డిస్ట్రిబ్యూటర్ల పై ఫైర్ అయ్యారట. ఈ విషయం పోలీస్ స్టేషన్ వరకూ వెళ్లినట్టు తెలుస్తోంది. ఇక ఏఎన్ఆర్ తో బాలయ్య మంచిగానే ఉన్న‌ప్ప‌టికీ ఆయ‌న అంత్యక్రియలకు బాలయ్య హాజ‌రు కాక‌పోవ‌డం అప్ప‌ట్లో చ‌ర్చ‌నీయాంశం అయింది.
