Naga Chaitanya : అక్కినేని ఫ్యామిలీ హీరోల‌లో నాగ చైత‌న్య ఒక‌రు. ఆయన హిట్స్, ఫ్లాప్స్ తో సంబంధం లేకుండా సినిమాలు చేస్తున్నారు. తొలి చిత్రం ‘జోష్’తోనే తనలో మంచి నటుడు అని ప్రూవ్ చేసుకున్న నాగ చైత‌న్య ‘ఏ మాయ చేశావే’ మూవీతో హిట్ కొట్టారు.. ఈ ఫిల్మ్తో ఆయన అమ్మాయిల కలల రాకుమారుడిగా మారిపోయారు. అనంతరం ‘100 పర్సెంట్ లవ్’, ‘తడాఖా’, ‘మనం’, ‘మజిలీ’, ‘లవ్ స్టోరీ’ సినిమాలతో ప్రేక్షకుల హృదయాల్లో చెరగని ముద్ర వేసుకున్న నాగ చైత‌న్య… ప్రస్తుతం ‘కస్టడీ’ చిత్రంలో నటిస్తున్నారు. ఈ మూవీ త్వరలో ప్రేక్షకుల ముందుకు రానుంది. ప్రస్తుతం మూవీ ప్రమోషన్స్ లో తెగ యాక్టివ్‌గా పాల్గొంటున్నాడు.
ఓ యూట్యూబ్ పాడ్ కాస్ట్ కు ఇంటర్వ్యూ ఇచ్చిన నాగ చైత‌న్య.. డేర్ అండ్ ట్రూత్ సెగ్మెంట్ లో ఓ ఆస‌క్తిక‌ర ప్ర‌శ్న‌కి సమాధానం ఇచ్చాడు. మీ జీవితంలో అతిపెద్ద ప్రశ్యాతాపం ఏంటీ అని అడిగారు. దీనికి చైతూ ‘నా జీవితంలో అలాంటిది ఏం లేదు’ అని బదులిచ్చారు. ‘ప్రతిదీ ఓ పాఠమే’నన్నారు. ఆ వెంటనే డివోర్స్ తర్వాత ఏదైనా బాధపడ్డ ఘటన, సినిమాల పరంగానైనా ఉందా అని మళ్లీ ప్రశ్నించాడు. దీనికి చైతూ ఆసక్తికరంగా ఆన్సర్ చేశారు. సినిమాల పరంగా చాలా బాధపడ్డ ఘటనలు ఉన్నాయి. రెండు మూడు చిత్రాల విషయాల్లో మాత్రం రిగ్రీట్ గా ఫీల్ అయ్యినట్టు ఆయన చెప్పుకొచ్చారు.
ప్రస్తుతం నాగచైతన్య కామెంట్స్ నెట్టింట వైరల్ గా మారాయి. ఇక చైతూ, సమంత విడాకుల తర్వాత తమ తమ లైఫ్ లో ఫుల్ బిజీగా ఉన్న విష‌యం తెలిసిందే. త‌మిళ డైరెక్ట‌ర్ వెంకట్ ప్రభు దర్శకత్వం వహించిన కస్టడీ చిత్రంలో కృతి శెట్టి కథానాయిక కాగా, మే 12 రిలీజ్ కానుంది. ఈ సందర్భంగా ప్రమోషన్స్ లో చైతూ బిజీగా ఉన్నారు. ఈ సినిమాపై చైతూ ఫుల్ హోప్స్ పెట్ట‌కున్నాడు.
