Naga Chaitanya : అక్కినేని నాగార్జున టాలీవుడ్ మ‌న్మ‌థుడిగా అమ్మాయిల క‌ల‌ల రాకుమారుడిగా పేరు తెచ్చుకున్నారు. నాగ్ అంటే అమ్మాయిలు ప‌డి చ‌చ్చిపోతుంటారు. ఆయన కూడా వారితో కాస్త చ‌నువుగానే మెదులుతూ ఉంటారు. నాగార్జున త‌న‌యుడు నాగ చైత‌న్య విష‌యానికి వ‌స్తే అత‌నికి చాలా బిడియం. రిజ‌ర్వ్ డ్‌గా ఉంటారు. త‌న సినిమా హీరోయిన్స్ తోను ఎంత వ‌ర‌కు ఉండాలో అంత వ‌ర‌కు ఉంటారు. ఇక అత‌ను వేరే హీరో మూవీ సినిమా హీరోయిన్స్ తో అయితే ఎలా ఉంటారో ప్ర‌త్యేకంగా చెప్ప‌న‌క్క‌ర్లేదు. ఏదో హాయ్ అంటే హాయ్ .. బాయ్ అంటే బాయ్ అన్న మాదిరిగా మెలుగుతూ ఉంటారు.
ఇటీవల నాగ చైత‌న్య .. నిఖిల్ న‌టించిన స్పై మూవీ ప్రీ రిలీజ్ వేడుక‌కి గెస్ట్‌గా వెళ్లారు. ఆ ఈవెంట్ లో చైతూ తెగ సంద‌డి చేశారు. నిఖిల్ అంటే నాకు చాలా ఇష్టం. హ్యాపీ డేస్ లో పక్కింటి కుర్రాడి పాత్రతో మొదలుపెట్టి స్వామిరారా, కార్తికేయ తో తనకంటూ ఒక ట్రెండ్ సెట్ చేసి కార్తికేయ2 తో బాక్సాఫీసుని షేక్ చేశాడు. స్పై ట్రైలర్ చూసినప్పుడు చాలా బాగా అనిపించింది. ఇంటర్ నేషనల్ గా అనిపించింది. ఐశ్వర్య, సాన్య వెల్ కం టు టాలీవుడ్. ఆర్యన్ రాజేష్, జిషు, అభినవ్ అందరికీ ఆల్ ది బెస్ట్. దర్శకుడి గా పరిచయం అవుతున్న గారీకి ఆల్ ది బెస్ట్. ఆయన నుంచి మరిన్ని సినిమాలు రావాలి. నిఖిల్ కార్తికేయ 2తో ఒక ట్రెండ్ సెట్ చేశారు.స్పై తో ఆ ట్రెండ్ ని దాటి నెక్స్ట్ లెవల్ కి వెళ్తారని నమ్ముతున్నాను అని నాగ చైత‌న్య అన్నారు.
అయితే వేదిక‌పై నాగ చైత‌న్య ప‌క్క‌న వ‌చ్చి ఐశ్వర్య నిలుచోగా మనోడు కాస్త ఇబ్బంది ప‌డ్డాడు. ఆ త‌ర్వాత వారిని నిఖిల్ ప‌క్క‌న నిలుచోమ‌ని కోరాడు. ప్ర‌స్తుతం ఇందుకు సంబంధించిన వీడియో నెట్టింట వైర‌ల్‌గా మారింది. ప్రముఖ ఎడిటర్ గ్యారీ బిహెచ్ దర్శకుడిగా పరిచయం అయిన స్పై సినిమాని చ‌ర‌ణ్ తేజ్ ఉప్ప లపాటి సీఈఓగా ఈడీ ఎంటర్‌టైన్‌మెంట్స్ పై కె రాజ శేఖ‌ర్ రెడ్డి భారీ స్థాయిలో నిర్మించారు. జూన్ 29న విడుద‌లైన ఈ చిత్రం ప్రేక్ష‌కుల‌ని పెద్ద‌గా అల‌రించలేక‌పోయింది.
