Nag Ashwin : ఎవడే సుబ్రమణ్యం’, ‘మహానటి’ చిత్రాలతో మంచి విజయాలు అందుకున్న నాగ్ అశ్విన్ రీసెంట్‌గా కల్కి 2898 ఏడీ అనే చిత్రంతో ప్రేక్షకుల ముందుకు తీసుకొచ్చాడు. అయితే ఈ మూవీ ఇప్పటికే రూ. 750 కోట్లకు పైగా కలెక్షన్లు రాబట్టింది. నాగ్ అశ్విన్ తాజాగా కల్కి సెట్ లో మీడియా మీట్ నిర్వహించారు. విలేక‌రులు అడిగిన ప్రశ్నలకు పలు ఆసక్తికరమైన సమాధానాలు చెప్పారు. చిత్రంలో హీరో ప్రభాస్ కాబట్టి ఆయనే కల్కిగా కనిపిస్తారని అందరూ భావించారు. కానీ సినిమాలో ప్రభాస్ ను బౌంటీ హంటర్ భైరవగా చూపించి, క్లైమాక్స్ లో కర్ణుడిగా ప్రెజెంట్ చేసారు. దీంతో కల్కిగా ఏ హీరో కనిపిస్తారని అందరూ ఆలోచిస్తున్నారు. ఇదే విషయాన్ని నాగ్ అశ్విన్ ను అడగ్గా.. ”కల్కి ఇంకా కడుపులోనే ఉన్నారు. అప్పుడే క్యాస్టింగ్ వరకూ వెళ్ళలేదు. దానికి ఇంకా చాలా టైం ఉంది” అని సమాధానమిచ్చారు.
సినిమాలో ప్రభాస్ పాత్ర నిడివి చాలా తక్కువయిందని టాక్ వినిపించింది అన్న సమాధానానికి దర్శకుడు రెండో పార్టులో ఎక్కువ ఉంటుంది అని చెప్పారు.ఈ సినిమా ఫస్ట్ హాఫ్ అయ్యేసరికి చాలామంది ప్రేక్షకులకి అర్థం కాలేదు. సినిమా కూడా చాలా నెమ్మదిగా సాగుతూ ఉండటంతో ప్రేక్షకులకి కొంచెం బోర్ కూడా కొట్టింది అనే వార్తలు వినిపించాయి. అదే విషయాన్ని దర్శకుడు నాగ్ అశ్విన్ కూడా ఒప్పుకున్నారు. కాంప్లెక్స్ లో సన్నివేశాలని కొంచెం వేరేగా చూపిస్తే నిడివి తగ్గి ఉండేదని చెప్పారు. ఆ విమర్శని నేను పాజిటివ్ గానే తీసుకుంటున్నాను అని చెప్పారు నాగ్ అశ్విన్.
విజయ్ దేవరకొండ అర్జున పాత్ర గెస్ట్ రోల్ కాదు, సెకండ్ పార్ట్ లో కూడా ఉంటుంది. నెక్స్ట్ పార్ట్ లో నాని, నవీన్ పోలిశెట్టి కూడా గెస్ట్ పాత్రల్లో కనిపించొచ్చు. దుల్కర్ సల్మాన్ పాత్ర సెకండ్ హాఫ్ లో ఉంటుంది. సెకండ్ పార్ట్ లో ప్రభాస్ పాత్ర ఫుల్ లెంగ్త్ ఉంటుంది. కమల్ హాసన్ గారి అసలు రూపం పార్ట్ 2 లో చూస్తారు. ఇంకా చాలా మంది కొత్త యాక్టర్స్ పార్ట్ 2లో కనిపిస్తారు. ఇప్పటివరకు పార్ట్ 2 కేవలం 30 రోజులు షూట్ మాత్రమే పూర్తయింది. పార్ట్ 2కి ఇంకా చాలా ప్రీ ప్రొడక్షన్ వర్క్ చేయాలి. కల్కి పార్ట్ 2 లో మూడు ప్రపంచాలు కాకుండా ఇంకో ప్రపంచం కూడా ఉంటుంది. పార్ట్ 2లో కూడా కృష్ణుడు ఉంటాడు. కానీ ఫేస్ రివీల్ చేయకుండా పార్ట్ 1లో ఉన్నట్టే ఉంటుంది. ఈ సినిమాలో మరియం, కైరా, సుప్రీమ్ యాస్కిన్.. ఇలా అనేక పాత్రలపై సపరేట్ సినిమాలు కూడా చేసే ఛాన్స్ ఉంది కానీ చేయకపోవచ్చు.
