Mrunal Thakur : దుల్కర్ సల్మాన్ హీరోగా హను రాఘవపూడి దర్శకత్వంలో తెరకెక్కిన సీతారామం అనే సినిమాతో హీరోయిన్ గా తెలుగులోకి ఎంట్రీ ఇచ్చిన అందాల ముద్దుగుమ్మ మృణాల్ ఠాకూర్. నిజానికి ఆమె అప్పటికే బాలీవుడ్ టీవీ సీరియల్స్ లో సత్తా చాటుతోంది. అయితే తెలుగులో కొత్త ఫేస్‌గా ఈ అమ్మ‌డు ద‌ర్శ‌న‌మిచ్చింది. తొలి లుక్‌లోనే అంద‌రి మ‌న‌సులు కొల్ల‌గొట్టింది. సీత పాత్రతో ఆమె ఒక్కసారిగా ప్రేక్షకులు అందరినీ మెస్మరైజ్ చేసేసింది. సీతారామం చిత్రంతో తెలుగు వారందరిలో మంచి క్రేజ్ సంపాదించిన ఆమె దక్షిణాదిలో సెటిల్ అయ్యే ఆలోచనలు కూడా చేస్తోంది. ఇప్పటికే హైదరాబాదులో ఇంటిని తీసుకున్న ఆమె అటు ముంబై నుంచి హైదరాబాద్ షటిల్ సర్వీస్ చేస్తోంది.
ప్రపంచవ్యాప్తంగా ప్రఖ్యాతి గాంచిన కేన్స్‌ అంతర్జాతీయ చలన చిత్రోత్సవం బుధవారం అట్ట‌హాసంగా ప్రారంభమైన విషయం తెలిసిందే. ఎర్ర తివాచీపై పలువురు అందాల తారలు హొయలొలికిస్తూ ఆహుతుల్ని అలరించారు. ఈ ఫిల్మ్‌ ఫెస్టివల్‌లో ‘సీతారామం’ ఫేమ్‌ మృణాల్ ఠాకూర్ తొలిసారి పాల్గొంటూ ర‌చ్చ చేసింది. అందమైన చీరకట్టులో తీయించుకున్న కొన్ని ఫొటోలను తన ఇన్‌స్టాగ్రామ్‌ ఖాతాలో పంచుకుందీ భామ. కేన్స్‌ ఫిల్మ్‌ఫెస్ట్‌వల్‌లో భాగం కావడం అరుదైన అవకాశమని ఆనందం వ్యక్తం చేసింది. ఆరు గజాల చీరలోనే అసలైన అందం దాగి ఉంటుందని మృణాల్ ఠాకూర్ చెప్పుకొచ్చింది. ‘చీరకట్టులో నేను నిజమైన భారతీయ మహిళగా ఫీలవుతున్నా అని స్ప‌ష్టం చేసింది.
సంప్రదాయ చీరకట్టులో మృణాల్ ఠాకూర్ ఫొటోషూట్‌ను చూసిన పలువురు సినీ తారలు ఆమెపై ప్రశంసలు కురిపిస్తున్నారు. మ్యాజికల్‌ లుక్‌తో కనిపిస్తున్నావంటూ అగ్రా కథానాయిక సమంత ప్రశంసలు కురిపించింది. ఇక మృణాల్ సినిమాల విషయానికి వస్తే.. సీతారామం సినిమా తర్వాత మృణాల్ తెలుగులో నాని సరసన ఓ సినిమా చేస్తోంది. ఈ సినిమా డిసెంబర్ 21న గ్రాండ్‌గా విడుదలకానుంది.. అది అలా ఉంటే ఈ భామ తాజాగా తన రెమ్యూనరేషన్‌ను భారీగాపెంచారని తెలుస్తోంది. సీతారామం సినిమా కోసం ఆమె కేవలం రెండు కోట్ల రూపాయలు తీసుకున్నారట ఈ భామ దానిని డ‌బుల్ చేసిన‌ట్టుగా తెలుస్తుంది. నిర్మాత‌లు కూడా ఈ అమ్మ‌డు అడిగినంత ఇవ్వ‌డానికి సిద్ధంగా ఉన్నార‌ట.
