OTT : ప్ర‌తివారం ఓటీటీలో ప‌లు చిత్రాలు సంద‌డి చేస్తున్న విష‌యం తెలిసిందే. థియేట‌ర్స్‌లో క‌న్నా ఓటీటీలో రిలీజ్ కానున్న సినిమాలపై ప్రేక్ష‌కులు ఎక్కువ దృష్టి సారిస్తున్నారు. ఈ వారం ఓటీటీలో సంద‌డి చేయ‌నున్న సినిమాల విష‌యానికి వస్తే ముందుగా మాచర్ల నియోజకవర్గం ఓటీటీలో సంద‌డి చేసేందుకు సిద్ద‌మైంది. నితిన్ హీరోగా ఎం.ఎస్ రాజశేఖర్ రెడ్డి దర్శకత్వం లో తెరకెక్కిన మాస్ యాక్షన్ ఎంటర్ టైనర్ మాచర్ల నియోజకవర్గం. రాజ్ కుమార్ ఆకెళ్ళ సమర్పణ లో శ్రేష్ట్ మూవీస్ పతాకంపై సుధాకర్ రెడ్డి, నిఖిత రెడ్డి లు ఈ చిత్రాన్ని సంయుక్తంగా నిర్మించారు. వ‌రల్డ్ వైడ్‌గా ఆగస్టు 12న విడుదలైన ఈ సినిమా నితిన్‌కి నిరాశ‌నే మిగిల్చింది. ఈ చిత్రాన్ని డిసెంబర్ 9న జీ5లో స్ట్రీమ్ చేయ‌నున్నారు.
యశోద సస్పెన్స్ థ్రిల్లర్ గా రూపొంద‌గా, ఇందులో సమంత సరోగసీ మదర్గా నటించింది. ఎన్నో సవాళ్లను ఎదుర్కొని బెదిరింపు పరిస్థితుల నుంచి బయటపడి మెడికల్ క్రైమ్ రాకెట్‌ను ఎలా దెబ్బతీస్తుంది అనేది ఈ సినిమా సారాంశం.. పెద్ద స్క్రీన్‌పై ఈ సినిమాని మిస్ అయిన వారు డిసెంబర్ 9 నుండి అమెజాన్ ప్రైమ్ వీడియోలో సమంతా మంత్రముగ్ధమైన నటనను ఆస్వాదించవచ్చు. అల్లు శిరీష్, అను ఇమ్మానుయేల్ ప్రధాన పాత్రలలో నటించిన రోమాంటిక్ ఎంటర్టైనర్ ఊర్వశివో రాక్షసివో . ఇందులో చాలా కామెడీ ఉంది. ముఖ్యంగా వెన్నెల కిషోర్, ప్రధాన నటీ నటుల మధ్య కెమిస్ట్రీ చూడదగిన చిత్రంగా మార్చింది. ఆహా వీడియోలో డిసెంబర్ 9నుండి ఈ సినిమా ప్రీమియర్ షో వేయనున్నారు.
ఇక లైక్ షేర్ చేయండి సబ్స్క్రయిబ్ విష‌యానికి వస్తే … మేర్లపాక గాంధీ దర్శకత్వం వహించిన ఉల్లాసకరమైన ఎంటర్టైనర్ అంచనాలను అందుకోలేకపోయింది. ఈ చిత్రం సోనీలివ్‌లో అందుబాటులో ఉంటుంది. డిసెంబర్ 9 నుండి స్ట్రీమింగ్ కానుంది.ఇక విట్ నెస్ అనే త‌మిళ చిత్రం కూడా డిసెంబర్ 9 నుండి సోనిలివ్‌లో స్ట్రీమ్ కానుంది. ఇందులో శ్రద్ధా శ్రీనాథ్, రోహిణి మరియు ఇతరులు ప్రధాన పాత్రలు పోషించ‌గా, సాంఘిక నాట‌కంగా ఈ మూవీ రూపొందింది. మ‌రి ఇందులో ఏ చిత్రం ఓటీటీ ప్రేక్ష‌కుల‌ని ఎక్కువ‌గా అల‌రిస్తుందో చూడాలి.
