Mohammad Shami : ఈ ఏడాది జరిగిన వరల్డ్ క‌ప్‌లో భార‌త్ పేస‌ర్ షమీ నిప్పులు చెరిగిన విషయం తెలిసిందే. ఆడిన ప్ర‌తి మ్యాచ్‌లోను కీల‌క వికెట్లు తీసి భార‌త్‌కి అద్భుత‌మైన విజ‌యాలు అందించాడు.ఇప్పుడు భార‌త జ‌ట్టులో సీనియర్ ఫేసర్ గా కొనసాగుతున్న మహమ్మద్ షమీ వయస్సు పెరుగుతున్న ఇక తన బౌలింగ్ మాత్రం రోజురోజుకీ మరింత పదునవుతుంది . జట్టు నుంచి పక్కన పెట్టాల్సిందే అనే చర్చ వచ్చిన ప్రతిసారి కూడా తన బౌలింగ్ తో అదరగొడుతూ ఏకంగా క్రికెట్ ప్రేక్షకులు అందరు ఆశ్చ‌ర్య‌పోయేలా చేస్తున్నారు ఈ స్టార్ క్రికెటర్. ఇండియా వేదికగా జరిగిన వరల్డ్ కప్ టోర్నీలో అతను బౌలింగ్ తో ఎంతటి అద్భుతం చేసి చూపించాడో ప్రత్యేకంగా చెప్పాల్సిన పనిలేదు.
ఆరంభంలో షమీకి నాలుగు మ్యాచ్‌ల్లో ఆడే అవకాశం కూడా రాలేదు. కాని టీమ్‌ కాంబినేషన్‌ కుదరకపోవడంతో షమీ బెంచ్‌కే పరిమితం కావాల్సి వచ్చింది. కానీ, ఒక్కసారి షమీ టీమ్‌లోకి వచ్చిన తర్వాత.. తన సత్తా ఏంటో చాటి చూపించి ఏకంగా ఐదు వికెట్ల హల్‌ సాధించాడు.. తాను బరిలోకి దిగితే ఎలా ఉంటుందో చెప్పాడు. దీంతో అక్కడి నుంచి షమీని కదిపే సాహసం రోహిత్‌ చేయలేకపోయాడు.వరల్డ్ కప్ టోర్నీలో కేవలం 7 మ్యాచ్‌ లు మాత్రమే ఆడిన షమీ ఏకంగా 24 వికెట్లతో టోర్నీలో అత్యధిక వికెట్లు తీసిన బౌలర్‌ గా నిలిచాడు. కానీ, వరల్డ్ కప్ తర్వాత మళ్లీ షమీ మ్యాచ్‌ ఆడలేదు. గాయంతో ఇబ్బంది పడుతున్నాడు. అయితే.. ఈ గాయాలు షమీని వరల్డ్ కప్ సమయంలోనే ఇబ్బంది పెట్టినట్లు తాజాగా జాతీయ మీడియా పేర్కొంటోంది.
ప్రస్తుతం చీలమండ గాయంతో బాధపడుతున్న షమీ టీమిండియా ఆడుతున్న సౌతాఫ్రికా టెస్ట్ సిరీస్ కు దూరమయ్యాడు అన్న విషయం తెలిసిందే. అయితే ప్రస్తుతం మాత్రమే కాదు వరల్డ్ కప్ సమయంలో కూడా ఇదే గాయంతో బాధపడ్డాడు. ఈ క్రమంలోనే వరల్డ్ కప్ సమయంలో షమీ ఏకంగా ఇంజక్షన్స్ సహాయంతో బరిలోకి దిగాడని.. ఇటీవల అతని సన్నిహితులు వెల్లడించారు. టోర్నీ మొత్తం గాయం నొప్పిని భరిస్తూనే ప్రతిరోజు ఇంజక్షన్స్ తీసుకుని షమీ బౌలింగ్ చేశాడట. షమీ పడిన కష్టానికి టీమిండియా వరల్డ్ కప్ గెలిచి ఉంటే బాగుండేదని క్రికెట్ ఫ్యాన్స్‌ అభిప్రాయపడుతున్నారు.
