MLA Lasya Nanditha Driver : నోరు విప్పిన లాస్య నందిత డ్రైవ‌ర్.. బ‌య‌ట‌కు వ‌చ్చిన న‌మ్మ‌లేని విష‌యాలు..

MLA Lasya Nanditha Driver : బీఆర్ఎస్ ఎమ్మెల్యే లాస్య నందిత మ‌ర‌ణం ప్ర‌తి ఒక్క‌రిని క‌లిచి వేస్తుంది. తండ్రి అడుగుజాడల్లో నడిచి అతి చిన్న వయసులో ప్రజల మనసులు గెలుచుకుని మొదటిసారే ఎమ్మెల్యేగా విజయం సాధించి.. అందరి చేత శెభాష్ అనిపించుకున్న కంటోన్మెంట్ ఎమ్మెల్యే లాస్య నందిత రోడ్డు ప్ర‌మాదంలో మ‌ర‌ణించ‌డం ప్ర‌తి ఒక్క‌రికి కంట క‌న్నీరు పెట్టించింది. ప‌టాన్‌చెరు పోలీసు స్టేష‌న్ ప‌రిధిలోని సుల్తాన్‌పూర్ వ‌ద్ద ఔట‌ర్ రింగ్ రోడ్డుపై లాస్య నందిత కారు ప్రమాదానికి గురైన సంగతి తెలిసిందే. ఈ ఘ‌ట‌న‌పై సంగారెడ్డి జిల్లా అడిష‌న‌ల్ ఎస్పీ సంజీవ‌రావు కీలక విషయాలు వెల్లడించారు. ప్రమాదం జ‌రిగిన స‌మ‌యంలో కారులో లాస్య నందిత‌తో పాటు ఆమె పీఏ ఆకాశ్‌(24) ఉన్నట్టుగా తెలిపారు.

అయితే.. గురువారం రోజున రాత్రి సమయంలో ఎమ్మెల్యే లాస్య నందిత.. తన కుటుంబ సభ్యులతో కలిసి కారులో సదాశివపేటలోని దర్గాకు వెళ్లారు. అక్కడి నుంచి వెకువజామున బయలుదేరిన లాస్య నందిత.. ఇంటికి చేరుకున్నారు. అనంతరం తన పీఏతో కలిసి టిఫిన్ కోసమని.. సుమారు 4:58 గంట‌ల‌ సమయంలో శామీర్‌పేట టోల్ ప్లాజా వద్ద ఔట‌ర్ రింగ్ రోడ్డుపైకి ఎంటరయ్యారు. సుల్తాన్‌పూర్ ఎగ్జిట్ సమీపంలో ఉద‌యం 5:30 గంట‌ల స‌మ‌యంలో.. ముందు వెళ్తున్న టిప్పర్‌ను ఎమ్మెల్యే కారు ఢీకొట్టింది. అతివేగంతో వస్తున్న కారు ముందున్న టిప్పర్‌ను ఢీకొట్టటంతో.. అదుపుత‌ప్పి అదే స్పీడ్‌లో వెళ్లి రెయిలింగ్‌ను ఢీకొట్టింది.

దీంతో.. కారు ముందు భాగం తీవ్ర స్థాయిలో దెబ్బతిన్నది. కాగా.. లాస్య నందిత.. సీటు బెల్ట్ పెట్టుకున్నా అది ఊడిపోయినట్టుగా పోలీసులు తెలిపారు. స్పీడ్‌గా ఢీకొట్టటంతో.. బలంగా ముందు సీటుకు తగలటంతో.. తలభాగానికి తీవ్రగాయమైంది. దవడ భాగం విరిగిపోయి. పళ్లు కూడా చాలా వరకు విరిగాయని, పక్కటెముకలు కూడా దెబ్బతిన్నాయి. తొడభాగంలో ఎముక విరిగిపోయిందని పోలీసులు వివరించారు. ప్రమాదం జ‌రిగిన స‌మ‌యంలో లాస్య నందిత బ‌తికే ఉన్నారు. కొన ఊపిరితో ఉన్న లాస్య నందితను.. ఆస్పత్రికి త‌ర‌లిస్తుండ‌గా మార్గ మధ్యలో ప్రాణాలు కోల్పోయినట్టు ఏఎస్పీ వివరించారు.

కారు ప్రమాదంలో గాయపడి ప్రస్తుతం చికిత్స పొందుతున్న ఆకాశ్ నుంచి ఇప్పటికే పటాన్‌చెరు పోలీసులు స్టేట్‌మెంట్‌ తీసుకున్నారు. మేజిస్ట్రేట్ ముందు వాగ్మూలం ఇచ్చాడు. ప్రమాదం ఎలా జరిగిందో తనకు అర్థం అవ్వట్లేదంటూ ఆకాశ్ చెప్పాడు. లాస్య భోజనం కోసం వెళ్దామని చెప్పడంతో హోటల్స్ వేతుకుంటూ వెళ్లామని అన్నాడు. దర్గా నుండి హైదరాబాద్ చేరుకుని.. లాస్య కార్లో ఉన్న తన అక్క కూతుర్ని ఇంకో కార్లో ఎక్కించామన్నాడు. తాము పఠాన్ చెరు వైపు బయలుదేరామని, యాక్సిడెంట్ టైంలో తన మైండ్ బ్లాంక్ అయ్యిందని చెప్పాడు.