MLA Kale Yadaiah : కొత్త స్పీక‌ర్‌పై బీఆర్ఎస్ ఎమ్మెల్యే కాలె యాద‌య్య పంచులు.. స‌భ‌లో న‌వ్వులే న‌వ్వులు..

MLA Kale Yadaiah : తెలంగాణ అసెంబ్లీ స్పీకర్‌గా గడ్డం ప్రసాద్‌ కుమార్ ఏకగ్రీవంగా ఎన్నికైన విష‌యం తెలిసిందే. గురువారం అసెంబ్లీలో స్పీకర్‌‌‌గా గడ్డం ప్రసాద్‌ కుమార్‌ పేరును ప్రోటెం స్పీకర్ అక్బరుద్దీ ఓవైసీ అధికారికంగా ప్రకటించారు. స్పీకర్‌గా ఎన్నికైన గడ్డం ప్రసాద్‌కు సీఎం రేవంత్‌ రెడ్డి , మంత్రులు, ఎమ్మెల్యేలు, ప్రతిపక్ష నేతలు అభినందనలు తెలిపారు. అనంతరం సీఎం రేవంత్, డిప్యూటీ సీఎం భట్టి విక్రమార్క కలిసి స్పీకర్ ప్రసాద్‌ కుమార్‌ను గౌరవ పూర్వకంగా ఆయన కుర్చీలో కూర్చోబెట్టారు. అనంతరం వరుసగా ఎమ్మెల్యేలు స్పీకర్‌ చైర్‌ వద్దకు వచ్చి ప్రసాద్‌ కుమార్‌కు అభినందనలు తెలియజేశారు. అనంతరం స్పీకర్‌కు ధన్యవాదాల తీర్మానంపై సభ్యులు మాట్లాడారు.

ఒక్కొక్క‌రు స్పీక‌ర్ గురించి ఆస‌క్తిక‌ర వ్యాఖ్య‌లు చేస్తున్నారు. అయితే చేవెళ్ల బీఆర్‌ఎస్‌ అభ్యర్థి, ఎమ్మెల్యే కాలె యాదయ్య కూడా స్పీక‌ర్ గురించి ఆస‌క్తిక‌ర వ్యాఖ్య‌లు చేశారు. మీరు, మేము ప‌విత్ర స్నేహితులం. ఒక‌టే సారి ఎంపిటీసీలం. ఒక‌టే నియోజ‌క‌వ‌ర్గం. వికారాబాద్ సీటు కోసం నాలుగు సార్లు కొట్టుకున్నాం. 2008లో రాజ‌శేఖ‌ర్ రెడ్డి గారు మీకు నాకు న‌చ్చ‌జెప్పి మీకు టిక్కెట్ ఇచ్చారు. నామినేష‌న్ వేయ‌డానికి నా బైక్ మీద మిమ్మ‌ల్ని తీసుకెళ్లాం. మ‌నం అపూర్వ స్నేహితులం. ముఖ్య‌మంత్రి కూడా న‌న్ను వికారాబాద్ పోత‌వా అని అడిగిన కూడా చేవెళ్ల‌లో ఉంటాం. ట్రాఫిక్ జామ్ అవుతుంద‌ని, నా బైక్ మీద మిమ్మ‌ల్ని తీసుకెళ్లాను అంటూ అప్ప‌టి జ్ఞాపకాలు గుర్తు చేసుకున్నారు యాద‌య్య‌.

రాష్ట్ర సచివాలయంలో ఆర్ధిక, ప్రణాళిక, విద్యుత్ మంత్రిత్వ శాఖల మంత్రిగా డిప్యూటీ సీఎం భట్టి విక్రమార్క బాధ్యతలు స్వీకరించారు. కాంగ్రెస్ ప్రకటించిన ఆరు గ్యారెంటీల అమలులో భాగంగా మహాలక్ష్మి పథకం ద్వారా మహిళలకు కల్పిస్తున్న ఉచిత ఆర్టీసీ బస్సు ప్రయాణం సబ్సిడీని 374 కోట్ల రూపాయలు ఆర్టీసీకి విడుదల చేస్తూ డిప్యూటీ సీఎం భట్టి విక్రమార్క తొలి సంతకం చేశారు. ప‌లువురు మంత్రులు కూడా బాధ్య‌త‌లు స్వీక‌రించి ఫైల్స్ పై సంత‌కం చేశారు.