Minister Malla Reddy : తెలంగాణ రాజకీయాల్లో మంత్రి మల్లారెడ్డి స్టైల్ గురించి ప్ర‌త్యేకంగా చెప్ప‌న‌క్క‌ర్లేదు. మంత్రిగా కాకుండా ఓ కామ‌న్ మెన్ మాదిరిగా ఆయన వ్య‌వ‌హ‌రించడం అంద‌రిని ఆశ్చ‌ర్య‌ప‌రుస్తుంటుంది. ‘పాలమ్మినా.. పూలమ్మినా.. కష్టపడ్డా.. పైకి వచ్చినా..’ అంటూ ఆయన చెప్పే డైలాగులు చాలా ఫేమస్. సోషల్ మీడియాలోనూ ఆయన ఎప్పుడూ ట్రెండింగ్‌లో ఉంటారు. తన మాటలు, చేష్టలతో చుట్టూ ఉన్నవారిని నవ్విస్తుంటారు. తాజాగా.. ఆయన రాజకీయాల్లోకి రావటంపై ఆసక్తికర కామెంట్స్ చేసారు. టాలీవుడ్‌ సూపర్ స్టార్‌ మహేశ్ బాబు సినిమా చూసే తాను రాజకీయాల్లోకి వచ్చానని ‘యానిమల్’ సినిమా ప్రీ రిలీజ్ ఈవెంట్‌కు హాజరైన ఆయన తన స్పీచ్‌తో మరోసారి అదరగొట్టారు. మహేష్ బాబు సినిమా బిజినెస్‌మేన్‌ సినిమా చూసే తాన పాలిటిక్స్‌లోకి వచ్చినట్లు చెప్పారు. ఆ సినిమాను తాను 10 సార్లు చూసినట్లు వెల్లడించారు.
యానిమల్ మూవీ ప్రీ రిలీజ్ ఈవెంట్ చీఫ్ గెస్ట్ మహేశ్ బాబు గురించి మాట్లాడుతూ.. ‘మీ సినిమా బిజినెస్ మ్యాన్ పదిసార్లు చూశా. అది చూశాకే రాజకీయాల్లోకి వచ్చి ఎంపీనయ్యా’ అనడంతో సభ మొత్తం చప్పట్లతో మార్మోగింది. ఆ తర్వాత హైదరాబాద్ కు షిఫ్ట్ కావాలంటూ రణబీర్ కపూర్ కు మంత్రి సలహా ఇచ్చారు. తెలుగు వాళ్లు బాలీవుడ్, హాలీవుడ్ అన్నింటినీ ఏలేస్తారని, తెలుగు ఇండస్ట్రీలో చాలామంది స్మార్ట్ వాళ్లు ఉన్నారని చెప్పారు. రాజమౌళి, దిల్ రాజు లాంటి దిల్ ఉన్న వారు ఉన్నారని చెప్పారు. ఇక్కడి వారు స్మార్ట్ అని చెప్పడానికి రష్మికనే ఉదాహరణ అని, పుష్ప సినిమాలో అదరగొట్టిందని అన్నారు. ఈ సందర్భంగా యానిమల్ సినిమా బ్లాక్ బస్టర్ గా నిలవాలని కోరుకుంటున్నట్లు మల్లారెడ్డి చెప్పారు.
బాలీవుడ్, హాలీవుడ్ ని తెలుగు వాళ్లే రూల్ చేస్తారని, గతంలో కూడా తాను ఈ విషయాన్ని చెప్పానని గుర్తు చేశారు మల్లారెడ్డి. ముంబై పాతబడిపోయిందని, ఇప్పుడంతా హైదరాబాద్ దే హవా అన్నారు. తెలుగు ఇండస్ట్రీ నుంచి వెళ్లిన రాజమౌళి, సందీప్ రెడ్డి వంగా.. బాలీవుడ్ ని ఏలుతున్నారని అన్నారు. యానిమల్ సినిమా సూపర్ హిట్ అవుతుందని, ఆ విషయంలో ధీమాగా ఉండాలని హీరో రణబీర్ కపూర్ కి చెప్పారు మల్లారెడ్డి.
https://youtube.com/watch?v=4EeV9SscauE
