Meena : ప్ర‌స్తుతం ఏపీ మంత్రిగా ఉన్న రోజా నిత్యం ఏదో ఒక కాంట్ర‌వ‌ర్సీతో వార్త‌ల‌లోకి ఎక్కుతుంది. ప్ర‌తిప‌క్షాల‌పై దారుణ‌మైన విమ‌ర్శ‌లు చేసే రోజాని టీడీపీ నేత ఆమెను అభ్యంతరకర రీతిలో దూషించిన విష‌యం తెలిసిందే.ఈ విషయంలో నటి ఖుష్బు, రాధిక శరత్ కుమార్, రమ్యక్రిష్ణ, మీనా వంటి వారు బండారు సత్యనారాయణమూర్తిని తీవ్రంగా తప్పుబట్టారు. సత్యనారాయణ వెంటనే మంత్రి రోజాకు క్షమాపణలు చెప్పాలని వారు డిమాండ్ చేశారు. మీనా ఓ వీడియో విడుత‌ల చేసి మంత్రి రోజాపై టీడీపీ నేత బండారు సత్యనారాయణ నీచమైన వ్యాఖ్యలు చేశారని.. అవి ఆమోదయోగ్యం కాదని అన్నారు.
బండారు సత్యనారాయణ వెంటనే రోజాకు బహిరంగ క్షమాపణ చెప్పాలని డిమాండ్ చేశారు. బండారు చేసిన ఈ వ్యాఖ్యలపై సుప్రీంకోర్టు స్పందించి చర్యలు తీసుకోవాలని కోరారు. ఆయన దిగజారుడు మనస్తత్వం కలవారని ఈ వ్యాఖ్యలతో అర్థం అయిందని అన్నారు. అతని అభద్రత భావం, అసూయకి ఇవి నిదర్శనమని అన్నారు. నటిగా, తల్లిగా, పొలిటికల్ లీడర్‌గా, మహిళగా నిజ జీవితంలో అన్ని పాత్రల్లోనూ రోజా సక్సెస్ అయ్యారని మీనా అన్నారు. ఆమెపై ఇలా నీచంగా మాట్లాడితే రోజా భయపడబోరని, ఆమె వ్యక్తిత్వాన్ని దెబ్బతీసేలా మాట్లాడే హక్కు బండారు సత్యనారాయణకి ఎవరిచ్చారని ప్రశ్నించారు. ఇలా మాట్లాడినంత మాత్రాన మహిళలు భయపడి పోతారు అనుకుంటున్నారా అని అన్నారు? మంత్రి రోజా చేసే పోరాటానికి తాను అండగా ఉంటానని మీనా మద్దతు పలికారు.
అయితే అప్పుడు మద్దతు ఇచ్చిన మీనా.. రేణూ దేశాయ్ గురించి చేసిన త‌ప్పుడు వ్యాఖ్య‌ల‌ని తీవ్రంగా ఖండించిన‌ట్టు తెలుస్తుంది. పవన్, రేణూ దేశాయ్‌ల వైవాహిక జీవితంపై రోజా కొన్ని త‌ప్పుడు కామెంట్స్ చేయ‌గా, వాటిపై మీనా ఫుల్ సీరియ‌స్ అయిన‌ట్టు స‌మాచారం. ఇక ఇదిలా ఉంటే కొద్ది రోజుల కింద‌ట ఓ ఇంట‌ర్వ్యూలో మీనా మాట్లాడుతూ.. రోజాతో నాకు ఎక్కువగా పోటీ నడిచేది. డేట్స్ లేని కారణంగా నేను వదులుకున్న సినిమాలు తను, ఆమె వదిలేసిన సినిమాలు నేను చేస్తూ ఉండేవాళ్లం. ఇప్పటికీ వాళ్లందరితో నాకు మంచి స్నేహం ఉంది. నాకు ముందు నుంచి ఉన్న సీనియర్ హీరోయిన్స్ తోను స్నేహం కొనసాగుతూ ఉండటం నా అదృష్టం” అని చెప్పారు.
