Manchu Vishnu : ఇటీవ‌ల జ‌రిగిన అలయ్ బలయ్ కార్యక్రమ వేదికపై అనూహ్య ఘటన చోటు చేసుకున్న విష‌యం తెలిసిందే. అలయ్ బలయ్ కార్యక్రమం జరుగుతున్న ప్రాంగణానికి చిరంజీవి రాగానే.. ఆయనతో, ఫొటోలు దిగేందుకు, సెల్ఫీలు తీసుకునేందుకు పలువురు పోటీపడ్డారు. అడిగిన వారందరికీ సెల్ఫీలు ఇస్తూ చిరంజీవి అక్కడే కాసేపు గడిపారు. అయితే, ఆ సమయంలో వేదికపై గరికపాటి.. ‘చిరంజీవి గారూ.. ఆ ఫొటో సెషన్ ఆపకపోతే, నేను ఇక్కడ నుంచి వెళ్లిపోతా’ అని అన్నారు.అప్పుడు వేదికపై ఉన్న‌వారు గ‌రిక‌పాటికి స‌ర్థి చెప్పారు. కాసేప‌టికే చిరంజీవి కూడా వేదిక‌పైకి రావ‌డంతో స‌భ సాగింది.
చిరంజీవిని ఉద్దేశిస్తూ గరికపాటి చేసిన కామెంట్స్ తీవ్రమైన చర్చకు దారి తీశాయి. మెగా అభిమానులు గరికపాటి తీరుని పెద్ద ఎత్తున ట్రోల్ చేశారు. నాగ‌బాబుతో పాటు పలువురు ప్ర‌ముఖులు కూడా దీనిపై స్పందించారు. తాజాగా ఈ ఇష్యూపై మంచు విష్ణు రియాక్ట్ అయ్యారు. తన జిన్నా సినిమా ప్రమోషన్స్ లో పాల్గొంటున్న ఆయన.. చిరంజీవి- గరికపాటి వివాదంపై ఆసక్తికరంగా స్పందించారు. అక్కడ ఏం జరిగిందో నాకు కరెక్ట్ గా అయితే తెలియదు కానీ.. చిరంజీవి, ఆయన ఫ్యాన్స్ అదీ ఇదీ అంటూ గరికపాటి ఏదో మాట్లాడినట్లు ఉన్నారు.
చిరంజీవి గారు ఒక లెజెండ్. అలాంటి వ్యక్తి వచ్చినప్పుడు అభిమానులు ఫోటోలకు ఎగబడడం అనేది సహజంగా జరిగేదే. ఆ ఉత్సాహాన్ని కంట్రోల్ చేయడం ఎవరికీ సాధ్యం కాకపోవచ్చు. పెద్ద స్టార్స్ వస్తే ఇలాంటి సంఘటనలు కామన్ అని అన్నారు మంచు విష్ణు.అదే అలయ్ బలయ్ ఈవెంట్ లో చిరు మాట్లాడుతూ.. స్నేహానికి, ఓ చక్కని బంధానికి చిహ్నంగా జరుపుకునే ఈ కార్యక్రమానికి వచ్చినందుకు ఎంతో సంతోషిస్తున్నా. ఇలా స్నేహానికి చిహ్నంగా జరుపుకునే ఈ కార్యక్రమం తెలంగాణ కల్చర్‌లో ఉండడం ఈ గడ్డ గొప్పతనం అని అన్నారు. ఇక మంచు విష్ణు తాను నటిస్తున్న జిన్నా మూవీ ప్రమోషన్స్ లో బిజీగా ఉన్నాడు. ఈ చిత్రంలో విష్ణు సరసన సన్నీలియోన్, పాయల్ రాజ్ పుత్ నటిస్తున్నారు. ఇషాన్ సూర్య దర్శకత్వంలో ఈ చిత్రం తెరకెక్కుతోంది.
