Manchu Vishnu : సినిమా ప‌రిశ్ర‌మ‌లో మంచు ఫ్యామిలీకి ప్ర‌త్యేక గుర్తింపు ఉంద‌నే చెప్పాలి. మోహ‌న్ బాబు వ‌ల‌న మంచు ఫ్యామిలీకి స‌ప‌రేట్ ఫ్యాన్ ఫాలోయింగ్ ఏర్ప‌డింది. దానిని మంచు హీరోలు నిల‌బెట్ట‌లేకపోయారు. విష్ణు, మ‌నోజ్ ప‌లు సినిమాలు చేసినా పెద్ద‌గా హిట్స్ కాక‌పోవ‌డంతో వారి కెరియ‌ర్ స‌జావుగా సాగ‌డం లేదు. అయితే మంచు విష్ణు తాజాగా న‌టించిన చిత్రం జిన్నా. రైటర్‌ కోన వెంకట్, డైరెక్టర్ సూర్య కాంబినేషన్‌లో పని చేస్తున్నారు. కాగా ఈ టీజర్ రీసెంట్‌గా విడుద‌ల కాగా ఈ కార్య‌క్ర‌మంలో మంచు విష్ణు ప‌లు క్రేజీ కామెంట్స్ చేశారు. ఈ కామెంట్స్ వ‌ల‌న ఆయ‌న‌ను దారుణంగా ట్రోల్స్ చేస్తున్నారు.
ఈవెంట్‌లో విష్ణు మాట్లాడుతూ.. జిన్నా నా మనసుకి దగ్గరైన సినిమా. ఇందులో ఎన్నో విశేషాలు ఉన్నాయి. నా బంగారు తల్లులు అరియనా, విరియానా పాట పాడారు. వాళ్ళతో పాడించినందుకు బిగ్ థాంక్స్. మా నాన్నగారు కోన వెంకట్ గారిని బాబాయ్ అని పిలిస్తే, నేను మాత్రం బ్రదర్ అని పిలుస్తాను. ఈ సినిమాలో నా కంటే ముందు సన్నీనే ఫైనల్ చేశారు. కానీ ఇక్కడ సన్నీని ఎలా రిసీవ్ చేసుకుంటారని భయం ఉండేది. ఢీ ఇచ్చిన శ్రీను వైట్ల గారి తర్వాత నన్ను అంతలా మెప్పించాడు డైరెక్టర్ సూర్య. హీరోయిన్ గా పాయల్ అనగానే.. ఒకవైపు సన్నీ, మరోవైపు పాయల్ ఇక నన్ను ఎవరు చూస్తారు అనుకున్నా.. అని అన్నారు. అయితే ప్రెస్ మీట్‌లో మంచు విష్ణు క‌న్నా సన్నీ లియోన్‌నే ఎక్కువ ప్ర‌శ్న‌లు వేశారు.
ఈ క్రమంలోనే ఈ కథ ఒప్పుకోవడానికి మెయిన్ రీజన్ ఏమైనా ఉందా..? అని అడగ్గా సన్ని లియోన్ మాట్లాడుతూ.. అఫ్ కోర్స్ ఇది చాలా కొత్త.. డిఫరెంట్ కదా.. స్టోరీలో ట్విస్ట్ లు చాలా బాగుంటాయి. ఇలాంటి కథను చేస్తున్నందుకు గర్వంగా ఫీల్ అవుతున్నాను. ఇక మంచు విష్ణు ఈ సినిమా కోసం చాలా కష్టపడ్డాడు. ఆయనలో మంచి నటుడు ఉన్నారు అని సన్నీలియోన్ చెబుతుండ‌గా, మ‌ధ్యలో నిన్ను ముద్దు పెట్టుకోవచ్చా అని సన్నీలియోన్ ని అడిగాడు విష్ణు. దీనికి సన్నీలియోన్ కూడా కాస్త షాక్ అయి.. మంచు విష్ణు చాలా నాటీ.. మీకు తెలిసి ఉంటుంది కదా.. అంటూ కవర్ చేసుకొచ్చింది. మంచు విష్ణు ప్ర‌వ‌ర్త‌న‌పై నెటిజ‌న్స్ దారుణ‌మైన కామెంట్స్ చేస్తున్నారు. అంతేకాదు దారుణంగా ట్రోల్స్ కూడా చేస్తున్నారు.
