Manchu Manoj : కొన్నాళ్లుగా మంచు మనోజ్, భూమా మౌనిక‌ల‌కి సంబంధించి అనేక ప్ర‌చారాలు సాగుతున్న నేప‌థ్యంలో ఎట్ట‌కేల‌కు త‌మ పెళ్లి ద్వారా ఓ క్లారిటీ ఇచ్చింది ఈ జంట. భూమా మౌనిక – మంచు మనోజ్ కొత్త జీవితం ప్రారంభించారు. వివాహం తరువాత ఆళ్లగడ్డ చేరుకున్న ఈ ఇద్దరు తిరుమలలో శ్రీవారి దర్శనం చేసుకున్నారు. ఇరు కుటుంబాల నుంచి వీరిద్దరికీ ఆశీర్వాదాలు అందాయి. ఇక తన నాలుగేళ్ల ప్రేమ ఫలించి.. భూమా మౌనికా రెడ్డితో వివాహం జరిగినందుకు హ్యాపీగా ఉన్నానని మంచు మనోజ్ పేర్కొన్నారు. 12 ఏళ్ల నుంచి మౌనిక తనకు తెలుసని చెప్పారు. నాలుగేళ్ల క్రితం తాను వేరే లోకంలో ఉన్నప్పుడు తనే అండగా నిలిచింది. అలా, మరింత చేరువయినట్లు తెలిపారు.
ఎన్నో వ్యతిరేకతలు ఎదురైనప్పటికీ ధైర్యంగా నిలబడ్డామని మనోజ్ పేర్కొన్నారు. మౌనికతో తన పెళ్లి దేవుడి ఆశీస్సులతోనే జరిగిందని.. బాబు తన జీవితంలోకి రావడం కూడా అలానే అన్నారు మనోజ్. కలిసొచ్చే కాలానికి నడిచొచ్చే కొడుకు వచ్చాడని మంచు మనోజ్ పేర్కొన్నారు.అయితే రి పెళ్లికి అక్క మంచు లక్ష్మి పెద్దగా వ్యవహరించిన విష‌యం తెలిసిందే. పెళ్లిలో అటు మంచు మనోజ్, ఇటు మౌనిక కన్నీళ్లు పెట్టుకోవడం ఇప్పుడు సర్వత్రా హాట్‌ టాపిక్‌ అవుతుంది. మౌనిక ఏడవడంలో ఓ లెక్కుంది, కానీ మనోజ్ ఎందుకు ఎమోషనల్ అయ్యాడ‌ని అంద‌రు చ‌ర్చిస్తున్న స‌మ‌యంలో ఓ విష‌యం నెట్టింట వైరల్ అవుతుంది.
మనోజ్ తండ్రి మోహన్‌బాబుకిఈ పెళ్లి ఇష్టం లేదనే పుకార్‌ తెరపైకిరాగా, అవ‌న్నీ రూమ‌ర్స్ అనేలా మోహన్‌బాబు దగ్గరుండి వీరి పెళ్ళి జరిపించారు. అయితే ఈ క్రమంలో మోహన్‌బాబు తన వద్దకు వచ్చినప్పుడు ఎమోషనల్ అయ్యింది మౌనిక. ఆయన్ని పట్టుకుని ఏడ్చేసింది. ఇక మంచు మనోజ్ కూడా జీల‌క‌ర్ర బెల్లం పెట్టే స‌మ‌యంలో ఎమోషనల్ అయ్యాడ‌ట. గ‌తం అంతా ఒక్క‌సారి గుర్తు తెచ్చుకొని అలా ఎమోషనల్ అయ్యాడా అని కొంద‌రు కామెంట్స్ చేస్తున్నారు. ఇదిలా ఉంటే ఈ పెళ్లిలో అన్న మంచు విష్ణు మాత్రం జస్ట్ ఓ గెస్ట్ లా వచ్చిపోయారు. మనోజ్, మంచు లక్ష్మి షేర్ చేసిన ఫోటోల్లో విష్ణు లేరు. ఆయన తన భార్యా పిల్లలతో క‌ల‌స కేవలం అతిథిలా వచ్చి వెళ్లారని తెలుస్తుంది. అయితే ఈ పెళ్లి ఆయనకు కూడా ఇష్టం లేదా? అనే కొత్త చర్చ తెరపైకి వచ్చింది.
