Manchu Lakshmi : అన్న‌ద‌మ్ములు ఇద్ద‌రు క‌లిసిపోయారు.. ఇప్పుడు చాలా సంతోషంగా ఉంద‌న్న మంచు ల‌క్ష్మీ..

Manchu Lakshmi : గత కొంత కాలంగా మంచు ఫ్యామిలీకి సంబంధించిన ప్రతి చిన్న విషయం కూడా సోషల్ మీడియాలో తెగ‌ వైరల్ అవుతోంది. రీసెంట్ గా ఓ వీడియో నెట్టింట తెగ వైర‌ల్ కాగా, ఇందులో మంచు విష్ణు, మనోజ్ గొడవ పడినట్టు అందులో ఉంది. ఈ వీడియోను మనోజ్ సోషల్ మీడియాలో పోస్టు చేశాడు. కానీ మోహన్ బాబు వార్నింగ్ ఇవ్వడంతో మళ్లీ డిలీట్ చేశాడు. అయితే అప్పటికే ఆ వీడియోను నెటిజన్లు సోషల్ మీడియాలో ఓ రేంజ్ లో వైర‌ల్ కావ‌డంతో మంచు ఫ్యామిలీ మధ్య గొడవలు జ‌రుగుతున్నాయి అంటూ తెగ చ‌ర్చ‌లు సాగాయి.

ఆ స‌మ‌యంలో ఇదంతా ఫ్రాంక్ వీడియో అంటూ విష్ణు చెప్పుకొచ్చాడు. హౌస్ ఆఫ్ మంచూస్ అనే షోలో భాగంగా ఇదంతా చేసినట్టు ఓ వీడియోను పోస్టు చేశాడు మంచు విష్ణు. కాని అది ఎవ‌రు న‌మ్మ‌లేదు. ఫ్రాంక్ వీడియో అయితే కెమెరాతో షూట్ చేస్తారు గానీ.. ఫోన్ తో ఎందుకు షూట్ చేస్తారు అంటూ కామెంట్లు పెట్టారు.. ఇక మోహ‌న్ బాబు, మ‌నోజ్‌కి ఈ గొడ‌వ‌ల‌పై ఇటీవ‌ల ప్ర‌శ్న‌లు ఎదురు కాగా, వారు విచిత్ర‌క‌ర‌మైన స‌మాధానాలు చెప్పారు. మంచు మ‌నోజ్ అయితే నాకు రీసెంట్ కి సెగ్గడ్డ లేచింది, గోకుతారా? అంటూ సెటైర్ వేశాడు.

ఇవ‌న్నీ చూస్తుంటే మంచు ఫ్యామిలీ ఫ్ర‌స్ట్రేష‌న్ లో ఉంద‌ని అంద‌రు అనుకున్నారు. విష్ణు-మనోజ్ మధ్య కోల్డ్ వార్ నడుస్తుందనేది నిజమని పలువురు చెప్పుకొచ్చారు. ఈ క్ర‌మంలోనే మంచు లక్ష్మి సోషల్ మీడియా పోస్ట్ ఆసక్తి రేపింది. బలగం మూవీ చూసి ఇద్దరు అన్నదమ్ములు కలిసిపోయారట. నిర్మల్ జిల్లాలో భూ వివాదాల కారణంగా 45 ఏళ్ళ క్రితం విడిపోయిన అన్నదమ్ములను బలగం మూవీ ఒక్కటి చేసిందట. అన్నదమ్ములు కలిసిపోయారన్న వార్త నా హృదయాన్ని ద్రవింపజేసిందని.. ఆమె త‌న కామెంట్‌లో తెలియ‌జేసింది. త‌న సోద‌రులు ఇద్ద‌రు గొడ‌వ‌లు ప‌డుతున్న స‌మ‌యంలో మంచు ల‌క్ష్మీ చేసిన ఈ పోస్ట్ చ‌ర్చ‌నీయాంశంగా మారింది.