Mahesh Babu: గౌరీ సిగ్నేచర్స్ అటేలియర్.. తాజాగా హైదరాబాద్వాసులకు అందుబాటులోకి వచ్చింది. వివాహ వస్త్రాలకు సంబంధించిన ఈ గౌరీ సిగ్నేచర్స్ని రీసెంట్‌గా ప్రముఖ నటుడు మహేశ్ బాబు, ఆయన సతీమణి నమ్రతా శిరోద్కర్లు ప్రారంభించారు.ఈ కార్య‌క్ర‌మంలో మహేష్ బాబు చాలా ఆస‌క్తిగా మాట్లాడారు. సూపర్ స్టార్ మహేష్ బాబు చాలా సరదా మనిషి. ఆయన ఎంత అందంగా ఉంటారో… ఆయన మాటలు కూడా అంతే అందంగా ఉంటాయి. ఆ మాటల్లో ఛలోక్తులు, పంచ్ డైలాగ్స్ కూడా అలవోకగా వచ్చేస్తాయి. సినిమాలకు సంబంధించిన ప్రెస్ మీట్స్‌లో మహేష్ బాబు కనిపించడం కామన్! అలాగే, తాను బ్రాండ్ అంబాసిడర్‌గా వ్యవహరించే ప్రోడక్ట్స్ ప్రెస్ మీట్‌లలో కూడా! బట్, ఫర్ ఏ ఛేంజ్… ఫస్ట్ టైమ్ సతీమణి నమ్రతతో కలిసి లగ్జరీ & కస్టమైజ్డ్ వెడ్డింగ్ డ్రస్, జ్యువెలరీ స్టోర్ ప్రారంభోత్సవంలో మహేష్ బాబు తెగ సందడి చేశారు.
ఇక మహేష్ బాబు మాట్లాడుతూ…. మా ఆవిడతో ఇలా ప్రెస్ మీట్ కి రావడం అని తన స్పీచ్ స్టార్ట్ చేశారు. దాంతో ఒక్కసారిగా అందరూ నవ్వేశారు. ఆయన పక్కన కూర్చున్న నమ్రత కూడా! ఉదయ్, శ్రీనివాస్ తమ స్నేహితులు అని, వాళ్ళ కోసం తాము ఇక్కడికి వచ్చామని చెప్పారు. తనకు కంపెనీ ఇవ్వడానికి మహేష్ బాబు గౌరీ స్టోర్ ఓపెనింగుకు వచ్చారని నమ్రత తెలిపారు. ఆ తర్వాత మహేష్ బాబును ‘స్టోర్ మొత్తం చూశారు కదా! ఒకవేళ మీ వైఫ్ కోసం ఏ శారీ సెలెక్ట్ చేస్తారు? ఆవిడ కోసం మీరు షాపింగ్ చేస్తారా?’ అని అడిగితే… ”సాధారణంగా తన కోసం నేను షాపింగ్ చేయను. నా కోసమే తాను షాపింగ్ చేస్తుంది. ఒకవేళ అవకాశం ఇస్తే… ఇప్పుడు ఈ స్టోరులో ఉన్నవి అన్నీ సెలెక్ట్ చేస్తుంది” అని చెప్పారు.
ఆ తర్వాత మైక్ తీసుకున్న నమ్రత… ”ఈ రోజు మహేష్ జేబుకు గట్టిగా చిల్లు పడటం ఖాయం” అని నవ్వేశారు. అంటే… మహేష్ బాబుతో షాపింగ్ కోసం ఎక్కువ ఖర్చు పెట్టిస్తానని పరోక్షంగా అలా చెప్పుకొచ్చారు. ఇక మహేష్ ప్ర‌స్తుతం మాటల మాంత్రికుడు త్రివిక్రమ్ శ్రీనివాస్ దర్శకత్వంలో ‘గుంటూరు కారం’ సినిమా చేస్తున్నారు మహేష్ బాబు. దీని తర్వాత దర్శక ధీరుడు ఎస్ఎస్ రాజమౌళి దర్శకత్వంలో సినిమా చేయనున్న సంగతి తెలిసిందే. ఈ రెండు సినిమాల మధ్య మరొక సినిమా చేసే అవకాశం ఉందని ఆ మధ్య ఫిల్మ్ నగర్ వర్గాల్లో బలంగా వినిపించింది. వార్తలు వచ్చాయి కూడా! అయితే… అటువంటిది ఏమీ లేదని మహేష్ స‌న్నిహితులు చెప్పుకొచ్చారు.
