Mahesh Babu : బిగ్ సి బ్రాండ్‌కు సూపర్ స్టార్ మహేష్ బాబు ప్రచారకర్తగా వ్యవహరిస్తోన్న సంగతి తెలిసిందే. రెండేళ్ల క్రితం బిగ్ సికి బ్రాండ్ అంబాసిడర్‌గా మహేష్ బాబు నియమితులయ్యారు. ఇదిలా ఉంటే, ఆదివారం (ఆగస్టు 20న) బిగ్ సి 20వ వార్షికోత్సవాన్ని జరుపుకుంది. ఈ రెండు దశాబ్దాల ప్రయాణాన్ని మీడియా సమక్షంలో సెలబ్రేట్ చేసుకున్నారు. హైదరాబాద్‌లోని ఓ హోటల్‌లో ప్రెస్ మీట్ ఏర్పాటు చేయ‌గా, ఈ ప్రెస్ మీట్‌లో బిగ్ సి వ్యవస్థాపకుడు, సీఎండీ యం.బాలు చౌదరి, ఎగ్జిక్యూటివ్ డైరెక్టర్ స్వప్నకుమార్‌తో పాటు మహేష్ బాబు పాల్గొన్నారు. ఈ సందర్భంగా మహేష్ బాబు బిగ్ సికి అభినందనలు తెలియజేశారు.
ఈ వేడుకలో శాంసంగ్ గెలాక్సీ జెడ్ ఫోల్డ్ 5, శాంసంగ్ గెలాక్సీ జెడ్ ఫ్లిప్ 5 ఫోన్స్‌ని లాంచ్ చేశారు. అనంతరం మీడియా అడిగిన పలు ప్రశ్నలకు ఆయన సమాధానాలు చెప్పారు. ఈ క్ర‌మంలో ఓ రిపోర్ట‌ర్ ప‌వ‌న్ కళ్యాణ్ వంద కోట్లు తీసుకుంటున్నాడు, దానికి గురించి ఏమంటారు అని అడ‌గ‌గా, ఆయన వంద కోట్లు తీసుకుంటే మీకేమి నొప్పి అంటూ అదిరిపోయే పంచ్ ఇచ్చాడు..ఇక మహేష్ గారు.. స్మార్ట్ ఫోన్ రోజులో ఎంత సమయం వాడుతారు అని అడ‌గ‌గా ..మీ అందరిలానే చాలా సమయం వాడుతాను. ఒకొక్కసారి తలకాయ నొప్పి వచ్చి ఆపేయడానికి కూడా ప్రయత్నిస్తాను అని అన్నారు.మ‌రో రిపోర్ట‌ర్.. మీరు వాడే ఫోన్ ఏమిటి ? ఎన్ని ఫోన్లు మారుస్తారు ? అని అడ‌గ‌గా, నేను చెప్పను. నేను తిరిగేటప్పుడు మీరే పరిశీలించండి అని అన్నారు.
మీరు అంబాసిడర్‌ గా చేసిన ప్రొడక్ట్స్ ని వాడుతారా ? అని ప్ర‌శ్నించ‌గా, బిగ్ సి లో నెంబర్ ఆఫ్ ప్రొడక్ట్స్ ని వాడాను అని అన్నారు. ఇక మీరు తీసిన ఫొటోస్ లో బాగా గుర్తుండిపోయిన ఫోటో ఏది అని అడ‌గ‌గా, చాలా ఉంటాయండి అని అన్నారు. ఫోన్ వాడకంలో మీ పిల్లలకు కూడా స్వేచ్ఛ ఇస్తారా ? నేను ఇవ్వడం ఏమిటి .. వాళ్ళే తీసుకున్నారు అని చెప్పారు మహేష్. మీ ఫోన్ రింగ్ టోన్ ఏమిటి ? అని రిపోర్ట‌ర్ అడ‌గ‌గా, నాది సైలెంట్‌ టోన్ అని అన్నారు. మీరు ఫోన్ కొనుక్కోవడానికి వెళ్ళినపుడు మీ అనుభూతి ఎలా వుంటుంది ? అని అడ‌గ‌గా, నాకు సంబంధించిన వస్తువులన్నీ నా భార్య కొనుక్కొని తీసుకొస్తుంది. అయితే నేరుగా వెళ్లి బిగ్ సి లాంటి స్టోర్స్ లో ఫోన్ కొనుక్కోవడంలో ఆనందం వేరుగా వుంటుంది అని తెలిపారు మహేష్.
