Love Today Movie : ఇటీవ‌ల త‌మిళంలోను మంచి చిత్రాలు రూపొందుతున్నాయి. రెండు వారాల క్రితం రిలీజైన లవ్ టుడే అనే త‌మిళ చిత్రం బ్లాక్ బస్టర్‌గా నిలిచింది. విడుదలైన తొలి రోజు నుంచే భారీ వసూళ్లు సాధించిన ఈ చిత్రం రిలీజై 70 కోట్లకుపైగా రికార్డుస్థాయి వసూళ్లను సాధించింది. తమిళంలో వసూళ్ల జైత్రయాత్ర కొనసాగిస్తున్న నేపథ్యంలో తెలుగులోకి డ‌బ్బింగ్ చేసి అదే టైటిల్‌తో రిలీజ్ చేశారు. తమిళంలొ ఈ మూవీని నవంబర్ 4న రిలీజ్ చేయ‌గా, తెలుగులో మాత్రం నవంబర్ 25 న రిలీజ్ చేసారు. అయితే ఇప్పుడు అనుకోని ట్విస్ట్ పడింది. ఈ సినిమాలో సత్యరాజ్, రాధికా శరత్ కుమార్, రవీనా రవి, యోగి బాబు కీలకపాత్రల్లో నటించారు. యువన్ శంకర్ రాజా సంగీతం అందించారు.
కొద్ది రోజుల క్రితం విడుదలైన ఈ సినిమా డిసెంబర్ 2 నుండి నెట్ ఫ్లిక్స్ లో డిజిటల్ స్ట్రీమింగ్‌కు వచ్చేస్తోంది. . ఈ మేరకు అధికారిక ప్రకటన కూడా విడుదలైంది. అయితే తమిళంలో మాత్ర‌మే ఓటీటీ అప్‌డేట్ వచ్చింది. క్రిస్మస్ తరవాత లవ్ టుడే తెలుగు వెర్షన్ డిజిటల్ ఎంట్రీ ఇచ్చే ఛాన్స్ ఐతే ఉంది. అయితే ఈ సినిమా త‌మిళ వ‌ర్షెన్ ఓటీటీలోకి వ‌చ్చేస్తే తెలుగులో సినిమా కలెక్షన్స్ పై ప్రభావం పడుతుందని భావిస్తున్నారు. అనుమానం ఉన్న‌చోట ప్రేమ పుట్టదనే పాయింట్‌తో ఫ‌న్ లవ్ ఎంట‌ర్‌టైన‌ర్‌గా ఈ సినిమా రూపొందించారు.
ఈ చిత్రంలో ఉత్త‌మ‌న్ ప్రదీప్ అనే పాత్ర‌లో ప్రదీప్ రంగ‌నాథ‌న్ క‌నిపించ‌గా నిఖిత‌గా ఇవానా న‌టించింది. లవ్ టుడే కథ విషయానికి వస్తే.. ఈ సినిమాకు దర్శకుడు, హీరో ఒకటే కావడం ప్లస్ పాయింట్ అని చెప్పాలి. తాను అనుకున్న కథను అదే రేంజ్ లో యూత్‌కు నచ్చేలా తెరకెక్కించడంలో అతడు సక్సెస్ అయ్యాడు. ఈయన రూపొందించిన అప్పా లాక్ షార్ట్ ఫిల్మ్ నే లవ్ టుడేగా రూపొందించాడు. ముఖ్యంగా ఈ మధ్యకాలంలో అమ్మాయిలు, అబ్బాయిలు చిన్నపాటి అపార్ధాలతో ఎలా విడిపోతున్నారనేది చాలా చక్కగా చూపించాడు. ఎంటర్టైన్మెంట్‌గా తీర్చిదిద్దుతూనే ఎమోషన్ పండించడంలో ప్రదీప్ సక్సెస్ అయ్యాడు.
