Liger And Agent : ఇటీవల భారీ అంచనాలతో ప్రేక్షకుల ముందుకు వచ్చిన చిత్రం ఏజెంట్. ఈ మూవీ అఖిల్ కెరీర్లోనే చెత్త సినిమాగా మిగిలింది.ఈ సినిమా కోసం అఖిల్ ఎంతో కష్టపడ్డాడు. సినిమా హిట్ పక్కా అని భావిస్తున్న సమయంలో చిత్రం పెద్ద ఫ్లాప్గా మిగిలింది. ఈ నేపథ్యంలో ఏజెంట్, లైగర్ ఫ్లాప్ కావడానికి ఒక రీజన్ ఉందని చెబుతున్నారు. సాధారణంగా కథ, కథనం లేకుండా కేవలం యాక్షన్, హీరోయిజాన్ని నమ్ముకుని సినిమాలు చేస్తే ఆడవనే విషయం తెలిసిందే. లైగర్, ఏజెంట్ అలానే దెబ్బ కొట్టాయి. లైగర్ ఓపెనింగ్స్ పరంగా కొంచెం బాగానే రాబట్టినప్పటికీ, ఏజెంట్ కి అవి కూడా రాలేదు.
అయితే ఏజెంట్, లైగర్ ఫ్లాప్ కావడానికి ఓ బ్యాడ్ సెంటిమెంట్ ఉందని అంటున్నారు. దాని వలనే ఈ చిత్రాలు ప్లాప్ అయ్యాయట. అదేంటంటే ‘సాలా’ అనే హిందీ పదం. ఈ రెండు చిత్రాల్లో సాలా అనే పదం ఉపయోగించారు. అందుకే నెగిటివ్ రిజల్ట్ వచ్చిందని చెబుతున్నారు. . సాలా అంటే బామ్మర్ది అని అర్థం. దీన్ని బూతుగా కూడా వాడతారు. చాలా మందికి ఊతపదం కూడా. మాస్ అప్పీల్ ఉంటుంది. అందుకే ఓ వర్గం ప్రేక్షకులకు ఆ పదం కనెక్ట్ అవుతుంది. అయితే దర్శకుడు పూరి జగన్నాధ్ చిత్రాలన్నీ మాఫియా, క్రైమ్ బ్యాక్ డ్రాప్ లో ఉంటాయి కాబట్టి ఈ పదం తప్పక వాడతారు.
లైగర్ సినిమాలో కూడా సాలా అనే పదం విజయ్ దేవరకొండ వాడగా, ఏజెంట్లో అఖిల్ కూడా వాడాడు. అయితే అఖిల్ కి ఇది కలిసిరాలేదని, అందుకే వారి చిత్రాలు ఫ్లాప్ అయ్యాయని అంటున్నారు. ఇది వినడానికి సిల్లీగా ఉంది. అయితే పరిశ్రమలో సెంటిమెంట్స్ ని బాగా ఫాలో అవుతారు కాబట్టి ఈ విషయాన్ని కొందరు పాయింట్ అవుట్ చేస్తున్నారు. మరి కొందరు అభిమానులు కాంబినేషన్స్, టైటిల్స్, విడుదల తేదీల విషయంలో కొన్ని విషయాలను గుడ్డిగా నమ్ముతారు. ఏది ఏమైన కూడా విజయ్ దేవరకొండ, అఖిల్లకి రెండు సినిమాలు పెద్ద అపజయాలు అందించాయి.
