Lavanya Tripathi : మెగా ప్రిన్స్ వరుణ్ తేజ్, అందాల తార లావణ్య త్రిపాఠి గత ఏడాది న‌వంబ‌ర్‌లో వివాహ బంధంతో ఒక్కటైన సంగతి తెలిసిందే. అంతకు ముందే కొన్నేళ్ల పాటు ఎవరికీ తెలియకుండా ప్రేమలో ఉన్న ఈ జంట ఎట్టకేలకు పెద్ద‌ల స‌మ‌క్షంలో పెళ్లి చేసుకున్నాడు. వీరు ఇప్పుడు అన్యోన్యంగా ఉంటూ ఒక‌రి గురించి ఒక‌రు ఆస‌క్తిక‌ర విష‌యాలు తెలియ‌జేస్తున్నారు. మ‌రోవైపు ఇద్ద‌రు త‌మ వ‌ర్క్‌తో బిజీగా ఉంటున్నారు. లావణ్య త్రిపాఠి పెళ్లైన కూడా సినిమాల‌తో బిజీగా ఉంటుంది. లావణ్య త్రిపాఠి కొన్ని వెబ్ సిరీస్ లు, సినిమాల్లో నటిస్తోంది. గత ఏడాది పులి మేక అనే వెబ్ సిరీస్ తో అలరించిన లావణ్య త్రిపాఠి త్వరలో మిస్ పర్ఫెక్ట్ అనే వెబ్ సిరీస్ తో సందడి చేసింది.
ఈ వెబ్ సిరీస్ ప్రచార కార్యక్రమాలతో లావణ్య త్రిపాఠి ప్రస్తుతం బిజీగా ఉన్న నేప‌థ్యంలో కొన్ని ఆస‌క్తిక‌ర విష‌యాలు తెలియ‌జేసింది. వెబ్ సిరీస్‌లో లావణ్య ఓసీడీ తరహా లక్షణాలు ఉన్న యువతిగా లావణ్య నటించింది.. ఓసీడీపై గతంలో చాలా చిత్రాలు వచ్చాయి. ఇందులో లావణ్య ఓసీడీగా ఉన్న యువతిగా న‌టించ‌డంతో రియల్ లైఫ్ లో అలాంటి లక్షణాలు మీకు ఉన్నాయా అని ఇంటర్వ్యూలో ప్రశ్నించగా.. పరిశుభ్రత పాటిస్తాను కానీ మరీ ఆ స్థాయిలో కాదు.. నా వస్తువులు నేను శుభ్రంగా ఉంచుకుంటాను అని లావణ్య పేర్కొంది. అయితే తనకి రియల్ లైఫ్ లో అలాంటి లక్షణాలు ఉన్నవారు స్నేహితులు ఉన్నారని పేర్కొంది. గతంలో నా ఫ్లాట్ పక్కన ఉండే అమ్మాయిలో ఇలాంటి లక్షణాలు చూశానని తెలిపింది.
ఇంటిని పనిమనిషి క్లీన్ చేసినప్పటికీ మళ్ళీ రెండోసారి ఆ అమ్మాయి క్లీన్ చేస్తుంది. ఇక వరుణ్ తేజ్ కి కూడా కాస్త ఓసీడి ఉంది కదా అని ప్రశ్నించగా.. అవును కొంచెం ఉంది అంటూ నవ్వుతూ తెలిపింది. ప్రతి దానిని టిష్యుతో క్లీన్ చేస్తారు. అయితే నాకు టైం ఉన్నప్పుడు నేనే అన్నీ క్లీన్ చేస్తా.. అలాగని ప్రతి రోజు నాకు చెప్పొద్దు అంటూ కండిషన్ పెట్టినట్లు లావణ్య నవ్వుతూ చెప్పేసింది. రోజూ క్లీన్ చేయాలంటే నా వల్ల కాదని కూడా చెప్పేసిందట. నీ వస్తువులు నువ్వు శుభ్రంగా ఉంచుకో నాకేమి ప్రాబ్లమ్ లేదు అని ముఖం మీదే చెప్పేసిందట. లావణ్య కామెంట్స్ వింటున్న నెటిజన్లు.. పాపం వరుణ్ తేజ్ ఆస‌మ‌యంలో ఎలా ఫీలై ఉంటాడో అని కొంద‌రు ఆస‌క్తిక‌ర కామెంట్స్ చేస్తున్నారు.
