Lavanya Tripathi : అందాల రాక్ష‌సి చిత్రంతో హీరోయిన్ గా వెండితెర ఆరంగేట్రం చేసిన లావణ్య త్రిపాఠి కెరీర్‌లో మంచి మంచి సినిమాలే చేసింది. అయితే జూన్ 9న వ‌రుణ్ తేజ్‌తో ఈ అమ్మ‌డి నిశ్చితార్థం జ‌రిగింది. ఈ ఏడాది చివ‌రిలో పెళ్లి చేసుకోనుంది. మొత్తానికి మెగా కోడ‌లిగా మారిన త‌ర్వాత లావణ్య త్రిపాఠికి సంబంధించిన ప‌లు ఇంట్రెస్టింగ్ వీడియోలు నెట్టింట వైరల్ అవుతున్నాయి. ఆమె చేసిన మంచి పనులు ప‌లు సంద‌ర్భాల‌లో మెగా హీరోల గురించి మాట్లాడిన మాట‌లకి సంబంధించిన వీడియోలు సోష‌ల్ మీడియాలో చ‌క్క‌ర్లు కొడుతున్నాయి.
వెండితెర‌పై త‌న న‌ట‌న‌తో అల‌రించిన లావణ్య త్రిపాఠి విధి రాతలో అమ్మానాన్నలను దూరం చేసుకున్న ఎంతో మంది విద్యార్థులతో స‌ర‌దాగా గ‌డిపింది. ఎల్బీనగర్‌లోని `ఆనంద విద్యార్థి గృహాం`లో ఇటీవ‌ల సందడి చేసింది. వారితో కాసేపు టైమ్‌ స్పెండ్‌ చేసిన లావణ్య త్రిపాఠి విద్యార్థులతో కలిసి భోజనం చేసింది, పిల్లల ప్రతిభని చూసి ముచ్చటపడింది, నిర్వాహకుల నిర్వహణ చూసి సంతోషించింది. విద్యార్థుల జీవితాలు తనకు ఎంతో స్ఫూర్తిని కలిగించాయని ఆనందం వ్యక్తం చేసిన లావణ్య… విద్యార్థులతో కలిసి మధ్యాహ్నా భోజనం ఆరగించింది.
పిల్లలకు అత్యవసరమైన మందులను అందజేశారు లావణ్య త్రిపాఠ‌ఙ. అంతేకాదు! విద్యార్థులతో మాట్లాడి వారి ప్రశ్నలకు సమాధానం ఇచ్చారు. పిల్లలతో గడిపిన సమయం చాలా ఆనందంగా ఉందని ఆమె సంతోషం వ్యక్తం చేశారు. ఈ సందర్భంగా లావణ్య మాట్లాడుతూ.. ‘‘ నేను కూడా 11 ఏళ్లుగా సినీరంగంలో ఎన్నో ఒడిదుడుకులు ఎదుర్కొంటున్నా. అవన్నీ దాటి నేడు ఓ మంచి నటిగా ఎదిగా. అవకాశాలు ఇచ్చిన దర్శకులకు, ఆదరించిన ప్రేక్షకులకు కృతజ్ఞతలు’’ అని ఆమె తెలియ‌జేసింది. అనాథ పిల్ల‌లు తమ వంటలు వారే చేసుకుంటారు, క్లీనింగ్‌ చేస్తారు, సొంతంగా సెలూన్, కుట్టు మిషన్లు కలిగి ఉన్నారు. నేను చూసిన ఇతర కేంద్రాల కంటే దీన్ని చాలా బాగా చూసుకుంటున్నారు. అది నాకు బాగా నచ్చింది అని తెలిపింది లావణ్య.
