Kumari Movie : మళయాళంలో తన నటతో మెప్పిస్తూ వస్తున్న ఐశ్వర్య లక్ష్మిఈ మ‌ధ్య త‌మిళంలో, తెలుగులో కూడా సంద‌డి చేస్తుంది. టాలీవుడ్‌కి గాడ్సేతో ప‌రిచ‌యం కాగా, రీసెంట్ గా పొన్నియిన్ సెల్వన్ 1 సినిమాతో కూడా ఈ అమ్మడు ఆకట్టుకుంది. సినిమాలో తన పోర్షన్ వరకు అదరగొట్టేసింది ఐశ్వర్య. ఇక ఇటీవలే అమ్ము అంటూ ఓ తెలుగు వెబ్ సీరీస్ తో వచ్చిన ఐశ్వర్య లక్ష్మి కొద్దిపాటి గ్యాప్ తోనే ఐశ్వర్య అనే చిత్రంతో ప‌ల‌క‌రించింది. ఈసారి కుమారి అంటూ ఒక మైథలాజికల్ ఫాంటసీ మూవీతో వస్తుంది. ఈ మూవీని నిర్మల్ సహదేవ్ డైరెక్ట్ చేశారు.
అక్టోబర్ 28న థియేట‌ర్‌లో విడుద‌లైన ఈ చిత్రం మంచి వ‌సూళ్లు రాబ‌ట్టింది. ఐదు కోట్ల బ‌డ్జెట్‌తో తెర‌కెక్కిన ఈచిత్రం కోటి 20 ల‌క్ష‌లుకి పైగా వ‌సూళ్లు రాబ‌ట్టింది. విమర్శకుల ప్రశంసలు కూడా ఈ చిత్రానికి ద‌క్కాయి. 1970 నేప‌థ్యంలో వచ్చిన ఈ చిత్రం అంద‌రిని ఎంత‌గానో ఆకట్టుకుంది. ఇందులోని సన్నివేశాలు ప్ర‌తి ఒక్క‌రిని ఎంత‌గానో అల‌రించాయి. యువ దర్శకుడు నిర్మల్ సహదేవ్ యొక్క రెండవ చిత్రం ఇది కాగా, మణికందన్ అయ్యప్ప చిత్రానికి సంగీతం సమకూర్చారు.
లక్ష్మి ఈ చిత్రంలో టైటిల్ క్యారెక్టర్ ప్లే చేయ‌గా, ఆమె భర్త ధ్రువన్‌గా షైన్ టామ్ చాకో నటించారు. ఈ చిత్రం ప్రేక్షకులు మరియు విమర్శకుల నుండి మంచి రియాక్షన్‌ను అందుకుంది, ఐశ్వర్య లక్ష్మి నటనకు ప్రశంసలు అందాయి, అయితే స్క్రీన్‌ప్లేపై విమర్శలు వచ్చాయి. ఈ చిత్రం హారర్ థ్రిల్లర్‌గా పేర్కొనబడినప్పటికీ, ఇందులో చాలా తక్కువ ఆస‌క్తి రేకెత్తించే స‌న్నివేశాల‌తో పాటు భ‌యానక సన్నివేశాలు ఉన్నాయి.ఓటీటీ దిగ్గజం నెట్‌ఫ్లిక్స్ దీని కోసం డిజిటల్ హక్కులను పొంద‌గా, ప్ర‌స్తుతం స్ట్రీమింగ్ అవుతుంది.
