KTR : తెలంగాణ రాష్ట్రంలో నూతనంగా కాంగ్రెస్ ప్రభుత్వం కొలువు తీరిన విష‌యం తెలిసిందే. ప‌దేళ్ల‌పాటు ప‌రిపాలించిన బీఆర్ఎస్ పార్టీ ఇప్పుడు ప్ర‌తిప‌క్షంలో ఉంది. అయితే రీసెంట్‌గా శాసన సభా సమావేశాలు ప్రారంభమయ్యాయి. శాసనసభ సమావేశాలలో ప్రొటెం స్పీకర్ అక్బరుద్దీన్ ఓవైసీ ఎమ్మెల్యేలతో ప్రమాణస్వీకారం చేయించారు. మొదట రేవంత్ రెడ్డి, భట్టి విక్రమార్క, దామోదర రాజనర్సింహ, దుద్దిళ్ళ శ్రీధర్ బాబు తదితరులు ప్రమాణం చేశారు. అనంతరం మిగతా సభ్యులు ఒక్కొక్కరుగా ప్రమాణం చేసారు. సభకు మొత్తం 109 మంది ఎమ్మెల్యేలు హాజరుకాగా తెలంగాణ సమావేశాలను బాయ్ కట్ చేసిన బీజేపీ శాసన సభా నియమాలను కాంగ్రెస్ కాలరాస్తుందని ఆరోపించింది. ఈ క్రమంలోనే బిజెపికి సంబంధించిన ఎనిమిది మంది సభ్యులు గైర్హాజరయ్యారు.
ఇక బీఆర్ఎస్ వర్కింగ్ ప్రెసిడెంట్ కేటీఆర్ కూడా శాసనసభలో ప్రమాణ స్వీకారం చేయలేదు. తండ్రి బి ఆర్ ఎస్ జాతీయ అధ్యక్షుడు కేసీఆర్ కు సర్జరీ జరగడంతో ఆయన ఆసుపత్రిలోనే ఉన్నారు. దీంతో మరో రోజు ప్రమాణ స్వీకారం చేయడానికి తనకు సమయం ఇవ్వాలని శాసనసభ సెక్రటరీని ఆయన కోరారు. కెసిఆర్ బాత్రూంలో జారిపడడం, ఆయన తుంటి ఎముక విరగడంతో నిన్న రాత్రి ఆయనకు సర్జరీ జరిగింది. ఆసుపత్రిలో ఉన్న కేసీఆర్ కూడా ప్రమాణ స్వీకారం చేయలేదు. ఆయన కూడా ఎమ్మెల్యేగా తర్వాతే శాసనసభలో ప్రమాణం చేయనున్నారు. అయితే కాంగ్రెస్ ప‌దవిలోకి వ‌చ్చాక కొన్ని పాత వీడియోలు నెట్టింట తెగ హ‌ల్‌చ‌ల్ చేస్తున్నాయి.
అందులో భాగంగా కేటీఆర్ ఓ సంద‌ర్భంలో కాంగ్రెస్ పార్టీని చ‌చ్చిన పాము అని అన్నారు. తెలంగాణ‌లో అభివృద్ధిని చూసి వారు ఓర్వ‌లేక‌పోతున్నార‌ని అన్నారు. విఫ‌లాల గురించి మాట్లాడ‌డానికి వారి ద‌గ్గ‌ర ఏం లేద‌ని అన్నారు. ప‌ద‌వుల కోసం ఒక‌రిని మించి మ‌రొక‌రు అన్న‌ట్టు పాద‌యాత్ర‌లు చేస్తున్నారు. అంతేకాదు ఆ పార్టీ ఎమ్మెల్యేల‌ని పాకిస్తాన్ టీంతో పోల్చిన కేటీఆర్ ఉంది న‌లుగురు ఎమ్మెల్యేలు కాని తెలంగాణ‌ని మొత్తం ప‌రిపాలిస్తామ‌ని అంటున్నారు అని విమ‌ర్శ‌లు చేశాడు. అయితే ఆ స‌మ‌యంలో మాకు ఓ టైం వ‌స్తుంద‌ని భట్టి అన్నారు. ఆ టైం రానే వచ్చింది. భట్టి ఇప్పుడు డిప్యూటీ సీఎంగా ఉన్నారు. వారు కేటీఆర్ మాట్లాడిన ఆ మాట‌ల‌కి ఇప్పుడు అసెంబ్లీలో ఎలాంటి పంచ్‌లు ఇస్తారో చూడాలి.
