Krishna Vamsi : క్రియేటివ్ డైరెక్టర్ కృష్ణవంశీ గురించి ప్ర‌త్యేక ప‌రిచ‌యాలు అక్క‌ర్లేదు. ఆయ‌న ఒక‌ప్పుడు ఎన్నో సూప‌ర్ హిట్ చిత్రాలు చేసి స్టార్ డైరెక్ట‌ర్‌గా గుర్తింపు తెచ్చుకున్నారు. అప్పట్లో ఖడ్గం సినిమాతో ఎంతో సెన్సేష‌న్ క్రియేట్ చేశారో ప్ర‌త్యేకంగా చెప్ప‌న‌క్క‌ర్లేదు. చిత్రంలోని ఎన్నో సీన్స్ నేటికీ సగటు ప్రేక్షకుడి కళ్లెదుట కదలాడుతూనే ఉంటాయి. ఇందులో కొన్ని స‌న్నివేశాలు రియాలిటీకి ద‌గ్గ‌ర‌గా ఉన్నాయి. వాటికి ప్రేక్ష‌కులు నీరాజనం ప‌లికారు. కొన్ని సీన్స్ కాంట్రవర్సీకి కూడా దారి తీశాయి. అయితే తాజాగా ఓ ఇంటర్వ్యూలో పాల్గొని ఖడ్గం సినిమా విశేషాలు, సీక్రెట్స్ బయటపెట్టారు డైరెక్టర్ కృష్ణవంశీ.
ఖడ్గం చిత్రంలో యాక్టర్ పృథ్వీ రాజ్ రోల్ బాలకృష్ణను ఉద్దేశించి పెట్టారని గతంలో ప్రచారం జరిగింది. సోషల్ మీడియాలో కూడా ఇందుకు సంబంధించిన కథనాలు పలు సందర్భాల్లో వైరల్ కావడంతో బాలయ్య బాబు ఫ్యాన్స్ కృష్ణవంశీపై ఆగ్ర‌హం వ్య‌క్తం చేశారు. దీనిపై తాజాగా స్పందించిన ఆయ‌న పృథ్వీ రాజ్ పాత్ర ఎవరినీ ఉద్దేశించి తీసింది కాదని.. కానీ ఆ పాత్ర వల్ల చాలా నష్టపోయానని అన్నారు. బాలయ్య బాబుని ఇమిటేట్ చేసిన పని కాదని అన్నారు. అంతేకాదు బాలయ్యలా డైలాగ్ లు ఎవరు చెప్పగలరని ప్రశ్నిస్తూ.. అజ్ఞానం, అమాయకత్వంతో సృష్టించిన ఆ రోల్ తో చాలా మంది తనపై పగబట్టారని చెప్పుకొచ్చారు.
హీరోయిన్ల విషయంలో తనకు బాపు గారు, రాఘవేంద్ర రావు గారు స్పూర్తి అని కృష్ణవంశీ తెలిపారు. ఇక ఇదిలా ఉంటే బాలయ్య వందో సినిమా కోసం పలువురు దర్శకులు పేర్లు పరిశీలనకు రాగా.. అందులో కృష్ణవంశీ పేరు ప్రముఖంగా వినిపించింది. బాలయ్యకు అప్పట్లో రైతు పేరుతో ఓ కథను వినిపించారు కృష్ణవంశీ. అయితే ఈ సినిమాలో రాష్ట్రపతి పాత్ర కోసం బాలీవుడ్ మెగాస్టార్ అమితాబ్ బచ్చన్‌ను తీసుకోవాలని అనుకోగా, ఆయ‌న వేరే క‌మిట్‌మెంట్స్ తో బిజీగా ఉండ‌డం వ‌ల‌న సినిమా చేయ‌లేన‌ని అన్నారు. దీంతో బాలయ్య-కృష్ణవంశీ చిత్రం ఆగిపోయింది. ఇప్పుడు కృష్ణవంశీ అంత హిట్ చిత్రాలు చేయ‌లేక‌పోతున్నారు.ఇటీవ‌ల తీసిన ’రంగమార్తాండ’ క‌మ‌ర్షియ‌ల్ హిట్ సాధించ‌లేకపోయింది.
