Krishna And Chiranjeevi : తెలుగు చిత్ర ప‌రిశ్ర‌మ‌లో దాదాపు 350కి పైగా సినిమాలు చేశారు కృష్ణ. ఆయన ఈ రోజు అకాల మ‌ర‌ణం చెందారు. కృష్ణ మృతికి ప‌లువురు ప్ర‌ముఖులు సంతాపం తెలియ‌జేస్తున్నారు. చిరంజీవి సైతం త‌న సోష‌ల్ మీడియాలో మాటలకు అందని విషాదం ఇది. సూపర్ స్టార్ కృష్ణ గారు మనల్ని వదిలి వెళ్లిపోవడం నమ్మశక్యం కావడం లేదు. ఆయన మంచి మనసు గలిగిన హిమాలయ పర్వతం. సాహసానికి వూపిరి, ధైర్యానికి పర్యాయపదం. ధైర్యం, సాహసం, పట్టుదల, మానవత్వం, మంచితనం..వీటి కలబోత కృష్ణ గారు. అటువంటి మహా మనిషి తెలుగు సినీ పరిశ్రమ లోనే కాదు, భారత సినీపరిశ్రమ లోనే అరుదు. తెలుగు సినీ పరిశ్రమ సగర్వంగా తలెత్తుకోగల అనేక సాహసాలు చేసిన కృష్ణ గారికి అశ్రు నివాళి.
ఆయన ఆత్మకు శాంతి చేకూరాలని కోరుకొంటూ నా సోదరుడు మహేష్ బాబుకు, ఆయన కుటుంబ సభ్యులందరికీ,అసంఖ్యాకమైన ఆయన అభిమానులకి నా ప్రగాఢ సంతాపం, సానుభూతి తెలియ చేసుకొంటున్నాను.. అంటూ మెగాస్టార్ ఎమోషనల్ పోస్ట్ షేర్ చేశారు. అయితే చిరంజీవి.. కృష్ణ‌కి చాలా పెద్ద అభిమాని. ఆయన కృష్ణ సినిమాలు చూసి ప్రేరణ పొంది చిత్ర రంగంలోకి ప్రవేశించారు. చిరంజీవి కృష్ణ అభిమాన సంఘానికి అధ్యక్షుడిగా కూడా ఉన్నారు. తాను కృష్ణ సినిమాలు చూసి మద్రాస్ రైలు ఎక్కానని పలు సందర్భాల్లో చిరంజీవి చెప్పుకున్నారు.
అయితే కృష్ణ.. మెగాస్టార్‌కి నో చెప్పడం అప్పట్లో హాట్‌ టాపిక్‌ అయ్యింది. చిరంజీవిని కృష్ణ ఎంతో ప్రోత్స‌హించాడు. వీరిద్దరి కాంబినేషన్లో `కొత్తల్లుడు`, `కొత్త పేట రౌడీ`, `తోడు దొంగలు` చిత్రాలు రాగా, అవి మంచి విజయాలను అందుకున్నాయి. అయితే వీటిలో కీలక పాత్రల్లోనే చిరు నటించగా, `కొత్తల్లుడు`లో చిరు నెగటివ్‌ రోల్‌ చేయడం విశేషం. అయితే చిరు ప్ర‌ధాన పాత్ర‌లో రూపొందిన స్నేహం కోసం మూవీలో కృష్ణ‌ని న‌టింప‌జేయాల‌ని అనుకున్నారు. కాని అందుకు నో చెప్పార‌ట. అందుకు కారణం ఆ పాత్ర చిరంజీవి స్నేహితుడి పాత్ర. అది అంత ఎలివేట్ కాద‌ని భావించి కృష్ణ ఆ నిర్ణ‌యం తీసుకున్న‌ట్టు ప్ర‌చారం జ‌రిగింది.
వీరి కాంబినేషన్లో `అగ్ని జ్వాల` అనే టైటిల్‌తో సినిమా చేయాలనుకున్నారు. నిర్మాత బాబూరావు ఓ మలయాళ హిట్‌ని తెలుగులో రీమేక్‌ చేయాలనుకున్నారు. ఇందులో అన్నాదమ్ములుగా కృష్ణ, చిరు నటించాల్సి ఉంది. కాని ప్రాజెక్ట్ డిలే కావడంతో చిరంజీవి డేట్స్ లాక్‌ అయిపోయాయి. దీంతో సినిమా ఆగిపోయింది. ఆ తర్వాత కొన్ని రోజులకు మోహన్‌బాబు, నరేష్‌ల కాంబినేషన్లో `అగ్నిజ్వాల` తెరకెక్కింది.
