Konidela Upasana : మెగా ప‌వర్ స్టార్ రామ్ చరణ్ సతీమణి ఉపాసన గురించి ప్ర‌త్యేక ప‌రిచ‌యాలు అక్క‌ర్లేదు. ఆమె త‌న‌కంటూ ప్ర‌త్యేక గుర్తింపు తెచ్చుకుంది. అయితే ప్రతిభకు కొలమానం లింగ భేధం కాదని… టాలెంట్ ఉంటే చాలు నేటి సమాజంలో రాణించేందుకు అన్ని మౌలిక సదుపాయాలు ఉన్నట్లు అపోలో వైద్యశాలల సామాజిక సేవ ఉపాధ్యక్షురాలు, సినీ హీరో రామ్ చరణ్ సతీమణి ఉపాసన చెబుతూ వ‌స్తుంది. బిజినెస్ ఉమెన్ గా కూడా ఉపాసన చాలా పాపులర్. ఉపాసన రెగ్యులర్ గా పలు కార్యక్రమాలలో పాల్గొంటూ వాటికి సంబంధించిన ఫొటోలు, వీడియోలు సోషల్ మీడియాలో షేర్ చేస్తూ చాలా యాక్టివ్ గా ఉంటుంది.
రీసెంట్‌గా ఉపాసన హైదరాబాద్ లో మెడిటేషన్ కి సంబంధించి జరుగుతున్న గ్లోబల్ స్పిర్చువాలిటీ మహోత్సవ్ కార్యక్రమానికి హాజరైంది. ఈ కార్యక్రమంలో రాష్ట్రపతి ద్రౌపది ముర్ముని, ఈ కార్యక్రమాన్ని నిర్వహిస్తున్న కమలేష్ దాజిని కలిసింది. దీనికి సంబంధించిన పలు ఫొటోలు తన సోషల్ మీడియాలో షేర్ చేసింది.రాష్ట్రపతిని కలిసిన ఫోటోలని ఉపాసన ఇన్‌స్టాగ్రామ్ లో షేర్ చేస్తూ.. నేడు ప్రపంచ శాంతి కోసం జరుగుతున్న గ్లోబల్ స్పిర్చువాలిటీ మహోత్సవ్ లో గౌరవనీయులైన భారత రాష్ట్రపతి శ్రీమతి ద్రౌపది ముర్ముజీ గారిని నా కుమార్తె క్లిన్‌ కారా కొణిదెలతో కలవడం చాలా ఆనందంగా ఉంది. ఈ అవకాశం ఇచ్చినందుకు, ఇంతటి మహత్తర కార్యక్రమాన్ని నిర్వహిస్తున్నందుకు కామేష్ దాజి మీకు ధన్యవాదాలు అంటూ పోస్ట్ చేసింది.
అయితే ఉపాసన స్పీచ్ ఇచ్చే స‌మ‌యంలో ప్రతి ఒక్కరు గోల‌లు చేశారు. ఉపాసన తన తాత గురించి , ఫ్యామ‌లీ గురించి చాలా చ‌క్క‌గా స్పీచ్ ఇచ్చింది. ఉపాసన స్పీచ్‌కి ప్రతి ఒక్కరు ఫిదా అయ్యారు. ప్రతిభకు పేద, ధనిక కొలమానం ఉండదని, అదే రీతిలో లింగ భేదం సైతం ఉండదన్న విషయాన్ని ప్రతి ఒక్కరు గుర్తించాలన్నారు. అంతేకాకుండా ఒక మహిళగా తన శక్తి సామర్థ్యాలు తనకు తెలుసని, నేటి కాలంలో మహిళలు అన్ని రంగాల్లో రాణిస్తూ ఆదర్శవంతులుగా నిలవడం తనకు ఆనందంగా ఉందన్నారు.
