KGF Malavika Avinash : కన్నడ స్టార్ యష్ హీరోగా, స్టార్ డైరెక్టర్ ప్రశాంత్ నీల్ తెరకెక్కించిన యాక్షన్ మూవీ కేజీఎఫ్. రెండు సిరీస్‌లుగా ఈ సినిమా ప్రేక్షకులముందుకు వచ్చింది, అయితే ఈ సినిమాలో ఏ క్యారెక్టర్‌ను కూడా ప్రజలు మరిచిపోలేరు. అంత‌లా మూవీని అందంగా తెర‌కెక్కించారు ప్రశాంత్ నీల్. అయితే ఇందులో న‌టించిన మాళవిక అవినాష్ దేశ వ్యాప్తంగా మంచి పేరు తెచ్చుకుంది. ఆమె జీవితంలో విషాదం ఉంది. మాళవిక కుమారుడు ఓ అరుదైన వ్యాధితో బాధపడుతున్నాడు. ఆ వ్యాధి కారణంగా 20 ఏళ్ల వయసులోనూ చిన్న పిల్లాడిలా క‌నిపిస్తాడ‌ట.
ప్ర‌స్తుతం అత‌ను వీల్ చైర్‌కి ప‌రిమితం అయిన‌ట్టు తెలుస్తుంది. తన పనులు తాను చేసుకోలేని పరిస్థితి ఉంది. తన కుమారుడి పరిస్థితిపై మాళవిక ప్రతి నిత్యం కుమిళిపోతూ ఉంటారు. దేవుడా ఎందుకు నాకిలాంటి శిక్ష వేశావు అంటూ ఎప్పుడు బాధ‌ప‌డుతూ ఉంటుంది. తాజగా, ఓ టీవీ షోలో ఆమె తన కుమారుడి గురించి చెబుతూ ఎమోషనల్‌ అయ్యారు. ఓ షోకు ఆమె తన కుమారుడ్ని తీసుకు రాగా, ఆయ‌న గురించి చెప్పుకొచ్చింది.. ‘‘ నా కుమారుడు ఓల్ఫ్‌ హెర్షన్‌ సిండ్రోమ్‌తో బాధపడుతున్నాడు. ఆ వ్యాధి విషయం కొంతకాలం క్రితం తెలిసింది. మొదట్లో ఏ డాక్టరూ దీని గురించి మాకు చెప్పలేదు. ఈ వ్యాధి ఉంటే బుద్ధిమాంధ్యం వస్తుంది. మాట్లాడలేరు.
డాక్ట‌ర్స్ నాతో మీరు చాలా దురదృష్టవంతులు అని అన్నారు. పుట్టినప్పటినుంచి అతడు అందరిలా లేడు. అతడ్ని చూసిన ప్రతి ఒక్క‌రు ఏదో ఒక విధంగా కామెంట్ చేసేవారు అని చెప్పుకొచ్చింది. 2018లో అతడి ఆరోగ్యం తీవ్రంగా విషమించ‌గా, దాదాపు 50రోజులు ఆస్పత్రిలో ఉన్నాడు. మమ్మల్ని విడిచిపెట్టి వెళ్లిపోతాడేమో అని బాధ‌ప‌డ్డాం. కానీ, బతికాడు. ఇప్పుడు అతడ్ని కేర్‌ టేకర్‌ చూసుకుంటుంది’’అంటూ ఆవేదన వ్య‌క్తం చేసింది కేజీఎఫ్ భామ. ఈ అమ్మ‌డి కామెంట్స్ ఇప్పుడు చ‌ర్చ‌నీయాంశంగా మారాయి.
