Kethi Reddy : వారాహి యాత్రలో పవన్ కళ్యాణ్ వైసీపీ నాయ‌కులపై విరుచుక‌ప‌డుతుండ‌డం మ‌నం చూస్తూనే ఉన్నాం. సీఎం జ‌గ‌న్ నుండి ఎమ్మెల్యేలు, మంత్రుల అవినీతి గురించి దారుణంగా విమ‌ర్శ‌లు చేస్తున్నారు. ఈ క్ర‌మంలోనే వైసీపీ నాయ‌కులు సైతం ప‌వ‌న్‌ని విమ‌ర్శిస్తూ వ‌స్తున్నారు. కొంద‌రు పవన్ మూడు పెళ్లిళ్ల గురించి ప్ర‌స్తావిస్తూ విమ‌ర్శ‌లు గుప్పిస్తున్నారు. తాజాగా కేతిరెడ్డి.. పవన్ ని విమ‌ర్శిస్తూ సంచ‌ల‌న కామెంట్స్ చేశారు. పవన్ కళ్యాణ్ కంటే ‘వీరసింహారెడ్డి’ హీరోయిన్ హనీ రోజ్‌కే (Honey Rose) జనాల్లో క్రేజ్ ఎక్కువ ఉందని ధర్మవరం ఎమ్మెల్యే కేతిరెడ్డి వెంకటరామిరెడ్డి వ్యాఖ్యానించారు. తిరుపతిలో ఒక పక్క హనీ రోజ్ కార్యక్రమం.. మరోపక్క పవన్ కళ్యాణ్ మీటింగ్ జరిగితే జనసేనాని మీటింగ్ కన్నా హనీ రోజ్ కార్యక్రమానికే ఎక్కువ జనం వెళ్తారని ఆయన అన్నారు.
సినీ గ్లామర్ జనాలను అంతగా ఆకర్షిస్తుందని.. సినిమాలు, రాజకీయాలు ఎప్పటికీ ఒక్కటి కావని ఆయన వెల్లడించారు. ఈ మేరకు తిరుపతిలో మీడియాతో మాట్లాడిన కేతిరెడ్డి పవన్ కళ్యాణ్‌పై సెటైర్లు వేశారు. పవన్ ను చూసేందుకు మాత్ర‌మే జ‌నాలు ఆ ర‌కంగా వ‌స్తున్నార‌ని కేతిరెడ్డి చెప్పారు. వీరి వ‌ల్ల ఎలాంటి ప్ర‌యోజ‌నం లేద‌ని వ్యాఖ్యానించారు. అందుకే తాము కూడా చూస్తూ ఊరుకుంటున్నామ‌ని తెలిపారు. ఇక, రాజకీయాల్లో ఉన్న వారికి నిల‌క‌డ ఉండాల‌ని పవన్ ను ఉద్దేశించి విమ‌ర్శించారు.
ఎవ‌రు రాజ‌కీయ పార్టీలు పెట్టుకున్నా కూడా మేము స్వాగ‌తిస్తాం. అయితే రాజకీయాల్లో ఉన్న‌వారు.. త‌మ గెలుపు కోసం.. త‌మ పార్టీ అధికారంలోకి వ‌చ్చేందుకు ప‌నిచేయాల‌ని అన్నారు. అయితే పవన్ మాత్రం వేరే పార్టీకి ప‌ల్ల‌కీలు మోస్తున్నార‌ని విమ‌ర్శించారు. ఇలా చేయ‌డం వ‌ల్ల.. మాకేమీ న‌ష్టంలేద‌ని వైసీపీ ఎమ్మెల్యే వ్యాఖ్యానించారు. సినిమాలు, రాజకీయాలు వేర్వేర‌ని.. సినిమాలు చూసే జ‌నాలు అంద‌రూ.. న‌టుల‌కు జై కొడితే.. వారే అధికారంలోకి వ‌చ్చేవారు క‌దా అని కేతిరెడ్డి అన్నారు. పరుగు పందెంలో నేను ఫస్ట్ రావాలని పరిగెత్తాలే త‌ప్ప..పక్కనోడికి కాలు అడ్డంపెట్టి పడగొట్టి నేను గెలవాలనుకోవడం తప్పు. రాజకీయాల్లో ప్రాథమిక అంశాల మీద అవగాహన లేకుండా వచ్చినవాళ్లంతా మా జనాలే అనుకుంటే తప్పు’ అని ప‌వ‌న్‌పై విమ‌ర్శ‌లు గుప్పించారు కేతిరెడ్డి.
