Keerthy Suresh : సౌత్ ఫిల్మ్ ఇండస్ట్రీలో మహానటిగా పేరు సంపాదించుకుంది కీర్తి సురేష్. కీర్తి మహానటి సావిత్రి బయోపిక్ చిత్రంలో నటించి జాతీయస్థాయిలో ఉత్తమ నటిగా అవార్డు కూడా అందుకుంది. అలాగే కీర్తి సురేష్ ఎన్నో లేడీ ఓరియంటెడ్ చిత్రాలతో పాటు కమర్షియల్ చిత్రాల్లో నటించి మెప్పించింది. ఇటీవల కీర్తి సురేష్ సూపర్ స్టార్ మహేష్ బాబు సరసన నటించి సర్కారు వారి పాటతో మంచి హిట్ తన ఖాతాలో వేసుకుంది. ప్రస్తుతం కీర్తి సురేష్ ఫిల్మ్ కెరీర్ గురించి కాకుండా వ్యక్తిగత జీవితం గురించి ఓ వార్త ప్రచారంలో ఉంది.
అదేంటంటే.. త్వరలోనే ఈ ముద్దుగుమ్మ పెళ్లిపీటలు ఎక్కబోతోందని కోలీవుడ్‌లో జోరుగా ప్రచారం జరుగుతుంది. కీర్తి సురేష్ కి పెళ్లి చేయాలని పేరెంట్స్ ఫిక్స్ అయ్యారట. కొన్నాళ్లుగా వరుడిని వెతికే పనిలో ఉన్నారట. అన్ని విధాలుగా కీర్తికి జోడైన అబ్బాయిని ఆమె పేరెంట్స్ ఎంపిక చేశారట. అబ్బాయి కీర్తికి కూడా నచ్చడంతో పెళ్లి చేసుకునేందుకు ఓకే చెప్పిందట. దీంతో త్వరలో పెళ్లి ప్రకటన రానుంది అంటున్నారు. పెళ్లి అనంతరం సినిమాలు కూడా చేయకూడదనే నిర్ణయం తీసుకుందట.
ప్రస్తుతం ఒప్పుకున్న చిత్రాలు పూర్తి చేసి సిల్వర్ స్క్రీన్ కి గుడ్ బై చెప్పేస్తారట. హీరోయిన్ల విషయంలో ఇలాంటి గాసిప్స్‌ రావడం సహజమే. అయితే ఈ వార్తలపై కీర్తి సురేష్ ఇంకా స్పందించలేదు. ఇంక సినిమాల విషయానికి వస్తే.. కీర్తి సురేష్ 3 సినిమాలతో ఫుల్‌ బిజీగా ఉంది. తమిళంలో ఉదయనిధి స్టాలిన్‌ జంటగా మామన్నన్‌ చిత్రంలో నటిస్తోంది. తెలుగులో న్యాచురల్ స్టార్ నాని సరసన దసరా సినిమాలో నటిస్తున్న విషయం తెలిసిందే. ఇక మెగాస్టార్‌ చిరంజీవికి సోదరిగా కీర్తి సురేశ్‌ భోళా శంకర్ సినిమాలో నటిస్తుంది. కెరీర్ మంచి స్వింగ్‌లో ఉండగా కీర్తి పెళ్లికి అంగీకరించిందంటే నమ్మశక్యంగా లేదు కదా!?
