Kavya Kalyan Ram : అల్లు అర్జున్ హీరోగా రూపొందిన గంగోత్రి సినిమాతో చైల్డ్ ఆర్టిస్ట్‌గా ఇండ‌స్ట్రీకి ప‌రిచ‌యం అయింది కావ్య క‌ళ్యాణ్ రామ్. ఈ సినిమాలో చాల క్యూట్ క్యూట్‌గా ముద్దు ముద్దుగా క‌నిపించి అల‌రించింది కావ్య. ఈ అమ్మ‌డు గతేడాది ‘మసూద’ చిత్రంతో మొదటి హిట్ అందుకోగా, ఈ ఏడాది ‘బలగం’ మూవీతో బ్లాక్ బస్టర్ హిట్ తన ఖాతాలో వేసుకుంది. తెలంగాణ రూరల్ బ్యాక్‌డ్రాప్‌లో తెరకెక్కిన ఈ చిత్రంలో తన క్యూట్ లుక్స్‌తో ఆకట్టుకుంది. ప్రస్తుతం శ్రీ సింహా హీరోగా తెరకెక్కుతున్న ‘ఉస్తాద్’ చిత్రంలో ఫిమేల్ లీడ్‌గా నటిస్తోంది. ఇక సోషల్ మీడియాలోను ఈ అమ్మ‌డు తన అంద‌చందాల‌తో కుర్రకారుకి మ‌త్తెక్కిస్తుంది.
ఇండస్ట్రీలో తాను బాడీ షేమింగ్ ఎదుర్కొన్నట్లుగా ఇటీవల కావ్య వెల్లడించిందంటూ సోషల్ మీడియాలో అనేక వార్త‌లు హ‌ల్‌చ‌ల్ చేశాయి. లావుగా ఉన్నావని, ఇలా అయితే హీరోయిన్‌గా చాన్స్‌లు కష్టమని డైరెక్టర్లు, నిర్మాతలు ముఖం మీదే చెప్పారనే న్యూస్ సోషల్ మీడియాలో హాట్ టాపిక్‌గా మారింది. అయితే వీటిపై తాజాగా స్పందించిన కావ్య.. తాను ఎక్కడా అలాంటి వ్యాఖ్యలు చేయలేద‌ని చెప్పుకొచ్చింది. ఇలాంటి తప్పుడు ప్రకటనలు ప్రచారం చేయొద్దని మీడియాకు విజ్ఞప్తి చేస్తున్నాను. ధన్యవాదాలు’ అని ట్వీట్ చేసింది. ఇదిలా ఉంటే, బలగం మూవీతో లైమ్ లైట్‌లోకి వచ్చిన కావ్య.. సగటు తెలంగాణ అమ్మాయి పాత్రలో అద్భుతంగా నటించింది.
ఇటీవల బలగం విజ‌యోత్స వేడుక‌లో పాల్గొన్న కావ్య తన అందాలు ఆర‌బోస్తూ గ‌ల గ‌ల మాట్లాడేసింది.త‌న‌కి ఇలాంటి సినిమా ఛాన్స్ రావ‌డం చాలా అదృష్ట‌మ‌ని అన్నారు. మాకు మేము థ్యాంక్స్ చెప్పుకొని బోర్ వ‌స్తుంది. సాధార‌ణంగా సినిమా ప్ర‌మోష‌న్స్ ఎక్కువ జ‌రుగుతుంటాయి. కాని మేము వాటి క‌న్నా ఎక్కువ స‌క్సెస్ మీట్స్ జ‌రుపుకుంటున్నామ‌ని కావ్య అంది. గంగోత్రి, బాలు , విజయేంద్ర వర్మ, ఠాగూర్, సుభాష్ చంద్రబోస్, బన్నీ, పాండురంగడు ఇలా పదికి పైగా చిత్రాల్లో కావ్య చైల్డ్ ఆర్టిస్ట్ గా చేసింది. వినూత్నమైన సబ్జెక్టుతో ఉస్తాద్ తెర‌కెక్క‌గా, ఈ సినిమాలో కూడా కావ్య నటించింది. ఈ సినిమా కూడా విజయం సాధిస్తే కావ్య హ్యాట్రిక్ కొట్టినట్లు అవుతుంది.
