Rashmika Mandanna : కన్నడ బ్యూటీ రష్మిక మందాన తన టాలెంట్తో నేషనల్ క్రష్గా గుర్తింపు పొందింది. ఛలో సినిమాతో తెలుగు ప్రేక్షకుల ముందుకు వచ్చిన ఈ ముద్దుగుమ్మ ఆ తర్వాత వైవిధ్యమైన సినిమాలతో అలరించింది.‘కిరిక్ పార్టీ’ అనే సినిమా ద్వారా రష్మిక వెండితెరకు పరిచయమయ్యారు. ఈ సినిమా రక్షిత్ శెట్టి హీరో, నిర్మాత. రిషబ్ శెట్టి దర్శకత్వం వహించారు. అయితే, రక్షిత్ శెట్టితో రష్మిక ప్రేమాయణం, నిశ్చితార్థం, ఆ తరవాత పెళ్లిని రద్దు చేసుకోవడం తెలిసిందే. అయితూ ‘పుష్ప’ సినిమాతో పాన్ ఇండియా లెవెల్ లో క్రేజ్ సంపాదించుకున్న రష్మిక ప్రస్తుతం హిందీలో కూడా సినిమాలు చేస్తుంది.
అయితే రష్మికను కన్నడ పరిశ్రమ బ్యాన్ చేయబోతుందని ప్రచారం నడుస్తుంది. కన్నడ సినిమాలను రష్మిక పదేపదే అగౌరవపరచడాన్ని తట్టుకోలేని కర్ణాటకలోని థియేటర్ల ఓనర్లు, డిస్ట్రిబ్యూటర్లు, సినీ పరిశ్రమ ఆమెపై నిషేధం వేశారని, త్వరలోనే ఈ విషయాన్ని అధికారికంగా ప్రకటిస్తారని టాక్ నడుస్తుంది. కన్నడ సినిమాలను తక్కువ చేసి చూసిందనే విమర్శలు రావడంతో ఆమెను కన్నడిగులు తరచూ ట్రోల్ చేస్తుంటారు.రష్మిక చేసిన కామెంట్స్ కన్నడిగులను మరింత ఆగ్రహానికి గురిచేశాయి.
రష్మికని కన్నడిగులు బ్యాన్ చేస్తే ఆమె నటించిన ‘వారిసు’, ‘పుష్ప 2’ సినిమాలను సైతం కన్నడలో విడుదల కాకుండా అడ్డుకుంటారని జోష్యం చెబుతున్నారు. దీనిలో నిజమెంతుందో తెలీదు కానీ.. రష్మికను టార్గెట్ చేస్తూ నెగిటివ్ ట్వీట్లు అయితే మాత్రం కుప్పలు తెప్పలుగా వస్తున్నాయి. దీనికి కారణం లేటెస్ట్గా రష్మిక మందన ఓ ఇంటర్వ్యూలో మాట్లాడిన మాటలే. తనకు తొలి అవకాశం ఇచ్చిన నిర్మాణ సంస్థ గురించి చెబుతూ ఆ సంస్థ పేరును ప్రస్తావించలేదు. అంతేకాకుండా, రెండు చేతులతో ‘సో కాల్డ్ ప్రొడక్షన్ హౌస్’ అనే అర్థమొచ్చేలా సైగలు చేస్తూ చెప్పారు. ఇది కన్నడ సినీ ప్రేక్షకులకు ఆగ్రహం తెప్పించింది.
